|    Nov 21 Wed, 2018 11:06 pm
FLASH NEWS
Home   >  Todays Paper  >  page 9  >  

യുഎസ് തിരഞ്ഞെടുപ്പില്‍ ഇടപെട്ടെന്ന് ആരോപിച്ച് റഷ്യക്കാരിക്കെതിരേ കേസ്‌

Published : 21st October 2018 | Posted By: kasim kzm

വാഷിങ്ടണ്‍: അടുത്ത മാസം നടക്കാനിരിക്കുന്ന യുഎസ് മിഡ് ടേം പ്രതിനിധി സഭാ തിരഞ്ഞെടുപ്പിനെ സ്വാധീനിക്കാന്‍ ശ്രമിച്ചെന്ന് ആരോപിച്ച് റഷ്യക്കാരിക്കെതിരേ യുഎസില്‍ കേസ്. ക്രിമിലിനെ അനുകൂലിച്ചു പ്രചാരണം നടത്തിയതായാണ് അരോപണം. എലീന അലേക്‌സീവ്‌ന കുസ്യായനോവ (44)യ്‌ക്കെതിരേയാണു ക്രിമിനല്‍ ക്കേസെടുത്തതായി യുഎസ് നീതിന്യായ വകുപ്പ് അറിയിച്ചത്.
യുഎസില്‍ വിദേശ ഇടപെടല്‍ ആരോപിച്ച് കേസെടുത്തത് ആദ്യമായാണ്. യുഎസ് രാഷ്ട്രീയത്തില്‍ ഭിന്നിപ്പുണ്ടാക്കുന്നതിനുള്ള പദ്ധതി ലാഖയുടെ ഭാഗമാണ് എലീന. സെന്റ് പീറ്റേഴ്‌സ് ബര്‍ഗില്‍ താമസക്കാരിയായ എലീന യുഎസിനെതിരായി ഓണ്‍ലൈന്‍ മാധ്യമങ്ങളില്‍ പോസ്റ്റിട്ടിരുന്നു. ഇതില്‍ ഓണ്‍ലൈന്‍ സംവാദങ്ങളും നടത്തിയിരുന്നു. യുഎസ് പൗരന്മാരെ തെറ്റിദ്ധരിപ്പിക്കാന്‍ ശ്രമിച്ചതായും പറയുന്നു.
2016ലെ യുഎസ് പ്രസിഡന്റ് തിരഞ്ഞെടുപ്പില്‍ ഡോണാള്‍ഡ് ട്രംപിന് അനുകൂലമായി റഷ്യന്‍ ഇടപെടല്‍ നടന്നെന്ന് ആരോപണമുയര്‍ന്നതിനെ തുടര്‍ന്നു നീതിന്യായ വകുപ്പ് മുന്‍ എഫ്ബിഐ ഡയറക്ടര്‍ റോബര്‍ട്ട് മുള്ളറെ അന്വേഷണച്ചുമതല ഏല്‍പ്പിക്കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss