|    Oct 18 Thu, 2018 3:30 pm
FLASH NEWS
Home   >  Todays Paper  >  page 9  >  

യുഎസുമായി ചര്‍ച്ചയ്ക്ക് തയ്യാറായി ഉത്തരകൊറിയ

Published : 26th February 2018 | Posted By: kasim kzm

സോള്‍: യുഎസുമായി ചര്‍ച്ചയ്ക്ക് ഉത്തര കൊറിയ താല്‍പര്യം പ്രകടിപ്പിച്ചതായി ദക്ഷിണ കൊറിയ. ദക്ഷിണ കൊറിയന്‍ പ്രസിഡന്റിന്റെ ഓഫിസാണ് ഇക്കാര്യം വെളിപ്പെടുത്തിയത്. ബ്ലു ഹൗസില്‍ ദക്ഷിണ കൊറിയന്‍ പ്രസിഡന്റ് മൂണ്‍ ജേയ് ഇന്നുമായി ഉത്തര കൊറിയന്‍ ജനറല്‍ കിങ് യോങ് കോള്‍ നടത്തിയ ചര്‍ച്ചയിലാണ് ഇക്കാര്യം അറിയിച്ചത്.
ഇരു കൊറിയകളും തമ്മിലുള്ള ബന്ധം മെച്ചപ്പെടുത്തുന്നതുപോലെ യുഎസുമായി ചര്‍ച്ചയ്ക്ക് തയ്യാറാണെന്ന് ഉത്തര കൊറിയ അറിയിച്ചു.
അതേസയമം യുഎസിന്റെ പുതിയ ഉപരോധത്തെ ഉത്തര കൊറിയ രൂക്ഷമായി വിമര്‍ശിച്ചു. യുഎസിന്റെ യുദ്ധ പ്രഖ്യാപനമാണെന്ന് ഉത്തര കൊറിയന്‍ വിദേശകാര്യ മന്ത്രാലയം പ്രസ്താവനയില്‍ അറിയിച്ചു. ഉത്തര കൊറിയയോട് കടുത്ത നിലപാടുകള്‍ സ്വീകരിക്കാനാണ് യുഎസ് ശ്രമിക്കുന്നതെങ്കില്‍ അതിന് പകരംവീട്ടുമെന്നും മന്ത്രാലയം കൂട്ടിച്ചേര്‍ത്തു.
വെള്ളിയാഴ്ച യുഎസ് പ്രസിഡന്റ് ഡോണള്‍ഡ് ട്രംപ് ഉത്തര കൊറിയക്കെതിരേ ശക്തമായ ഉപരോധ നടപടികള്‍ പ്രഖ്യാപിച്ചിരുന്നു. പുതിയ നടപടികള്‍ ഫലവത്തായില്ലെങ്കില്‍ തങ്ങള്‍ രണ്ടാംഘട്ട നടപടികളിലേക്കു നീങ്ങുമെന്ന് യുഎസ് പ്രസിഡന്റ് ഡോണള്‍ഡ് ട്രംപ് ഭീഷണി മുഴക്കിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss