|    Nov 18 Sun, 2018 12:08 pm
FLASH NEWS
Home   >  Todays Paper  >  page 9  >  

യുഎന്‍ മനുഷ്യാവകാശ സമിതിയില്‍ നിന്ന് യുഎസ് പുറത്തേക്ക്‌

Published : 7th June 2017 | Posted By: fsq

ന്യൂയോര്‍ക്ക്: യുഎന്‍ മനുഷ്യാവകാശ സമിതി പക്ഷപാതപരമായി പെരുമാറുന്നതായി യുഎസ്. ഇസ്രായേലിനെതിരായ സമിതിയുടെ പരാമര്‍ശങ്ങള്‍ ചുണ്ടിക്കാട്ടിയാണ് യുഎസിന്റെ പ്രതികരണം. ഇസ്രായേല്‍ തങ്ങളുടെ സഖ്യരാജ്യമാണ്. അവര്‍ക്കെതിരേ സമിതി പരാമര്‍ശം നടത്തുന്നു. എന്നാല്‍, വെനസ്വേലക്കെതിരേ പ്രതികരിക്കാന്‍ തയ്യാറാവുന്നില്ലെന്നും യുഎന്നിലെ യുഎസ് അംബാസഡര്‍ നിക്കി ഹാലെ കുറ്റപ്പെടുത്തി. ഇസ്രായേലിനെതിരേ അടുത്തിടെ യുഎന്‍ മനുഷ്യാവകാശ സമിതി പാസാക്കിയ അഞ്ച് പ്രമേയങ്ങള്‍ തങ്ങള്‍ അംഗീകരിക്കില്ലെന്നു അവര്‍ വ്യക്തമാക്കി. വാഷിങ്ടണ്‍ പോസ്്റ്റിലെഴുതിയ കോളത്തിലാണ് ഹാലെയുടെ പ്രതികരണം. 47 അംഗ മനുഷ്യാവകാശ സമിതിയില്‍ ഇസ്രായേലിനെതിരായ പരാമര്‍ശങ്ങള്‍ നിര്‍ത്തണമെന്നും ഹാലെ ആവശ്യപ്പെട്ടു. നേരത്തേ ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവും യുഎന്‍ മനുഷ്യാവകാശ സമിതി നിലപാടുകളെ വിമര്‍ശിച്ച് മുന്നോട്ടു വന്നിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss