|    Sep 20 Thu, 2018 1:54 am
FLASH NEWS

‘യുഎന്‍ നിലപാട് സ്വാഗതാര്‍ഹം’

Published : 11th December 2017 | Posted By: kasim kzm

കണിയാമ്പറ്റ: വിദേശനയവും കീഴ്‌വഴക്കവും അട്ടിമറിച്ചു ജറുസലേമിനെ ഇസ്രയേല്‍ തലസ്ഥാനമായി അംഗീകരിച്ച യുഎസ് നടപടിക്കെതിരായ യുഎന്‍ രക്ഷാസമിതി നിലപാട് സ്വാഗതാര്‍ഹമാണെന്നു  കമ്പളക്കാട് മേഖലാ എസ്‌വൈഎസ് ആമില തന്‍ശീത്ത് സംഗമം അഭിപ്രായപ്പെട്ടു.
സമാധാന ശ്രമങ്ങളെ തകര്‍ത്ത് വീണ്ടും പലസ്തീന്‍ ജനതയെ യുദ്ധഭൂമിയിലേക്ക് നയിക്കാനുള്ള അമേരിക്കന്‍ പ്രസിഡന്റിന്റെ തന്ത്രം തകര്‍ക്കേണ്ടതു ശാന്തിയും സമാധാനവും ആഗ്രഹിക്കുന്ന മുഴുവന്‍ ജനതയുടെയും ആവശ്യമാണെന്നും യോഗം വിലയിരുത്തി. 20, 21 തിയ്യതികളില്‍ അഞ്ചുകുന്ന് മിഫ്താഹുല്‍ ഉലൂം ഹയര്‍ സെക്കന്‍ഡറി മദ്‌റസയില്‍ നടക്കുന്ന ആമില ജില്ലാ പ്രതിനിധി ക്യാംപിന്റെ മുന്നോടിയായി മേഖലാ സംഗമങ്ങള്‍ നടത്തി.
കമ്പളക്കാട് മേഖലാ സംഗമം പ്രസിഡന്റ് കെ ടി ബീരാന്‍ ഹാജിയുടെ അധ്യക്ഷതയില്‍ ജില്ലാ ഖജാഞ്ചി പി സുബൈര്‍ ഉദ്ഘാടനം ചെയ്തു.
കെ മുഹമ്മദ്കുട്ടി ഹസനി, കെ എ നാസര്‍ മൗലവി വിഷയാവതരണം നടത്തി. വി കെ സയ്യിദ് ഫൈസി പലസ്തീന്‍ ജനതയ്ക്കു വേണ്ടിയുള്ള പ്രാര്‍ത്ഥനയ്ക്കു നേതൃത്വം നല്‍കി. റഫീഖ് തോപ്പില്‍, ഹംസ കല്ലുങ്കല്‍, സി യൂനുസ് മില്ലുമുക്ക്, ജലീല്‍ പറളിക്കുന്ന്, ബീരാന്‍കുട്ടി സംബന്ധിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss