|    Sep 24 Mon, 2018 11:31 am
Home   >  Pravasi  >  Gulf  >  

യുഎഇ കുടുംബം വീട്ടുജോലിക്കാരിയെ കൈ നിറയെ സമ്മാനവുമായി യാത്രയാക്കി

Published : 22nd April 2018 | Posted By: ke

ഷാര്‍ജ: ഷാര്‍ജയിലെ യുഎഇ കുടുംബം 27 വര്‍ഷത്തെ സേവനത്തിന് വീട്ടുജോലിക്കാരിക്ക് കൈയും മനസും നിറച്ചുനല്‍കി. ജോലി മതിയാക്കി പോകുകയായിരുന്ന സ്ത്രീക്ക് ഉജ്ജ്വല യാത്രയയപ്പും അവര്‍ സംഘടിപ്പിച്ചു. ലക്ഷ്മി എന്ന ജോലിക്കാരി കുടുംബത്തിലെ ഒരു അംഗത്തെ പോലെയായിരുന്നെന്നും മക്കളും കൊച്ചുമക്കളും അവരെ സ്വന്തം അമ്മയെ പോലെയാണ് കണ്ടതെന്നും കുടുംബത്തിലെ അംഗമായ റാഷി അല്‍ അലി പറഞ്ഞു.
സ്‌നേഹവും കരുതലും നിറഞ്ഞ ലക്ഷ്മിയുടെ പെരുമാറ്റം കുടുംബത്തിലെ കുട്ടികളെയും മുതിര്‍ന്നവരെയും ഒരു പോലെ ആകര്‍ഷിച്ചു. വിടവാങ്ങല്‍ ചടങ്ങില്‍ സംസാരിക്കവേ, യുഎഇ കുടുംബത്തിനോടൊപ്പം അവരുടെ വീട്ടില്‍ ഒരിക്കലും ഒരു വേലക്കാരിയായി അനുഭവപ്പെട്ടിരുന്നില്ലെന്നും ജീവിതത്തിലെ എല്ലാ വിഷമങ്ങളിലും കുടുംബം തന്നെ സഹായിച്ചിട്ടുണ്ടെന്നും ലക്ഷ്മി കണ്ണീരോടെ പറഞ്ഞു. നാട്ടിലെ തന്റെ കുടുംബത്തിന് യുഎഇ കുടുംബം കൈത്താങ്ങായിരുന്നുവെന്നും താന്‍ വളര്‍ത്തി വലുതാക്കിയ കുട്ടികളെ വിട്ടുപിരിയുന്നത് മനസില്‍ വലിയ മുറിവുണ്ടാക്കുന്നുണ്ടെന്നും ലക്ഷ്മി കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss