|    Mar 24 Fri, 2017 9:54 am
FLASH NEWS

യാത്രക്കാര്‍ ബസ്സില്‍; കണ്ടക്ടര്‍ ബൈക്കില്‍

Published : 10th January 2016 | Posted By: SMR

തിരൂര്‍: യാത്രക്കാര്‍ ബസ്സില്‍ സഞ്ചരിക്കുകയും ബസ്സിന് പിറകിലായി മോട്ടോര്‍സൈക്കിളില്‍ സഞ്ചരിച്ച് കണ്ടക്ടര്‍ ചാര്‍ജ് പിരിക്കുകയും ചെയ്യുന്നു. യാത്രാസൗകര്യം ഏറെക്കുറഞ്ഞ ആതവനാട് പഞ്ചായത്തിലെ കാട്ടിലങ്ങാടി-പുത്തനത്താണി റൂട്ടിലാണ് ഈ പുതുമ നിറഞ്ഞ കാഴ്ച്ച. അഞ്ച് മിനിറ്റിലേറെ ഇടവിട്ടാണ് ഈറൂട്ടില്‍ ബസ്സുകളോടുന്നത്.
അതുകൊണ്ട് ഏതു സമയവും യാത്രക്കാരെ കുത്തി നിറച്ചാണ് യാത്ര. പല സമയത്തും ബസ്സിന്റെ വാതിലില്‍ തൂങ്ങിയാണ് വിദ്യാര്‍ഥികളടക്കം യാത്ര ചെയ്യുന്നത്. അതിനാലാണ് കണ്ടക്ടര്‍ പിറകിലെ വാഹനത്തിലെത്തി ചാര്‍ജ് പിരിക്കേണ്ടി വരുന്നത്. ഈ റൂട്ടില്‍ ഓടുന്ന ബസ്സുകളുടെ ഉടമസ്ഥന്‍ ഒരാളായതിനാല്‍ പലപ്പോഴും ട്രിപ്പ് മുടക്കുന്നതായും പരാതിയുണ്ട്. കുറച്ചുകാലം ഈ വഴി കെഎസ്ആര്‍ടിസി ബസ്സുകളോടിയെങ്കിലും അതും നിലച്ചതോടെ യാത്രാദുരിതത്തിന് ആക്കം കൂട്ടി. ഇതുവഴി കൂടുതല്‍ ബസ്സ് പെര്‍മിറ്റ് അനുവദിച്ചാലേ നാട്ടുകാരുടെ യാത്രാക്ലേശത്തിന് പരിഹാരമാവൂ.

(Visited 71 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക