|    Nov 24 Fri, 2017 9:37 am
FLASH NEWS
Home   >  Todays Paper  >  page 9  >  

യമന്‍ പ്രസിഡന്റ് സൗദിയില്‍ വീട്ടുതടങ്കലിലെന്ന് റിപോര്‍ട്ട്‌

Published : 8th November 2017 | Posted By: fsq

 

കെയ്‌റോ: യമന്‍ പ്രസിഡന്റ് അബ്ദുറബ്ബ് മന്‍സൂര്‍ ഹാദിയും അദ്ദേഹത്തിന്റെ മക്കള്‍, മന്ത്രിമാര്‍, സൈനിക ഉദ്യോഗസ്ഥര്‍ എന്നിവരും സൗദിയില്‍ വീട്ടുതടങ്കലിലാണെന്ന്്  അസോസിയേറ്റഡ് പ്രസ്. യമന്‍ ഉദ്യോഗസ്ഥരെ ഉദ്ധരിച്ചാണ് അസോസിയേറ്റഡ് പ്രസിന്റെ റിപോര്‍ട്ട്. പ്രസിഡന്റ് അബ്ദുറബ്ബ് മന്‍സൂര്‍ ഹാദിക്കും യുഎഇക്കും ഇടയിലെ ശത്രുതയാണ് ഈ വിലക്കിനു പിന്നിലെന്നും ഉദ്യോഗസ്ഥര്‍ സൂചിപ്പിച്ചു. യമനില്‍ യുദ്ധം ആരംഭിച്ചതിനു ശേഷം അധികസമയവും ഹാദിയും അദ്ദേഹത്തിന്റെ അനുചരരും റിയാദിലാണുള്ളത്. കഴിഞ്ഞ ഫെബ്രുവരിയില്‍ സൗദിയിലെത്തിയ ഹാദി മടങ്ങാന്‍ അനുവാദം ആവശ്യപ്പെട്ടു സൗദി ഭരണാധികാരി സല്‍മാന്‍ രാജാവിന് നിരന്തരം കത്തെഴുതിയിരുന്നു. എന്നാല്‍, അതിനൊന്നും യാതൊരു മറുപടിയും ലഭിച്ചിട്ടില്ല. കഴിഞ്ഞ ആഗസ്തില്‍ താല്‍ക്കാലിക തലസ്ഥാനമായ ഏതനിലേക്ക് മടങ്ങാനായി വിമാനത്താവളത്തിലെത്തിയ ഹാദിയെ അവിടെ വച്ചു മടക്കിയയക്കുകയായിരുന്നു എന്നും റിപോര്‍ട്ട് സൂചിപ്പിച്ചു. യമനില്‍ ഹാദി സര്‍ക്കാരിനു വേണ്ടി  സൗദി അറേബ്യയുടെ നേതൃത്വത്തില്‍ സൈനികനീക്കം നടത്തുന്നതിനിടെയാണ് വാര്‍ത്ത പുറത്തുവന്നത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക