|    Aug 16 Thu, 2018 12:42 am
FLASH NEWS
Home   >  Todays Paper  >  Page 4  >  

യമനിലെ ഹൂഥി ആക്രമണം; യുഎഇ ഉേദ്യാഗസ്ഥര്‍ക്കൊപ്പം ചാവക്കാട് സ്വദേശിയുംകൊല്ലപ്പെട്ടതായി സൂചന

Published : 15th June 2018 | Posted By: kasim kzm

ചാവക്കാട്: യമനിലെ ഹുദൈദ മോചിപ്പിക്കാനുള്ള സഖ്യസേനയുടെ പോരാട്ടത്തിനിടയില്‍ ഹൂഥി ആക്രമണത്തില്‍ കൊല്ലപ്പെട്ട യുഎഇ നാവിക ഉദ്യോഗസ്ഥര്‍ക്കൊപ്പം ചാവക്കാട് സ്വദേശിയും ഉള്‍പ്പെട്ടതായി സൂചന. തിരുവത്ര സ്വദേശി കമറുദ്ദീനാണ് (54) യമനിലെ തുറമുഖ നഗരത്തില്‍ നിന്നുള്ള ആക്രമണത്തില്‍ കൊല്ലപ്പെട്ടതായി സൂചനയുള്ളത്. 30 വര്‍ഷമായി യുഎഇ പ്രതിരോധ വകുപ്പില്‍ ജീവനക്കാരനാണു കമറുദ്ദീന്‍. ബുധനാഴ്ച രാവിലെയാണു സംഭവം. ഖലീഫ സൈഫ് സായിദ് അല്‍ ഖത്‌രി, അലി മുഹമ്മദ് റാഷിദ് അല്‍ ഹസനി, ഖാമിസ് അബൂള്ള ഖാമിസ് അല്‍ സയൂദി, ഒബൈദ് ഹംദാന്‍ സായിദ് അല്‍ അബ്ദൗലി എന്നിവരാണ് മരിച്ച യുഇഎ നാവികസേന ഉദ്യോഗസ്ഥര്‍. ഇവരോടൊപ്പമുണ്ടായിരുന്ന കമറുദ്ദീന്റെ മരണത്തെക്കുറിച്ച് ബന്ധുക്കള്‍ക്കു വിവരം ലഭിച്ചുവെങ്കിലും ഔദ്യോഗികമായ സ്ഥിരീകരണം ഉണ്ടായിട്ടില്ല. ചാവക്കാട് തിരുവത്ര കിരാമന്‍കുന്ന് പരേതനായ പുളിക്കല്‍ അബ്ദുര്‍റഹ്മാന്‍ ഹാജിയുടെ മകനാണു കമറുദ്ദീന്‍. ഭാര്യ: ജുമൈല (സീനത്ത്). മക്കള്‍: സുമയ്യ, അമീന. മരുമകന്‍: ഷംസീര്‍ (അബൂദബി).

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss