|    May 28 Mon, 2018 7:14 am
FLASH NEWS

മൗലികവാദം ആശങ്കാജനകം: മലബാര്‍ മഹാ ഇടവക

Published : 28th December 2017 | Posted By: kasim kzm

കോഴിക്കോട്: കേരളത്തില്‍ വര്‍ധിച്ചുവരുന്ന മത-വര്‍ഗീയ മൗലികത ആശങ്കാജനകമാണെന്നും ശാന്തിയുടേയും സമാധാനത്തിന്റേയും സന്ദേശം പകരുന്ന ക്രിസ്തുമസ് ഗാനാലാപകര്‍പോലും ആക്രമിക്കപ്പെടുകയാണെന്നും സിഎസ്‌ഐ മലബാര്‍ മഹാ ഇടവക പ്രത്യേക യോഗം അഭിപ്രായപ്പെട്ടു. സിഎസ്‌ഐ ദക്ഷിണ കേരള മഹായിടവകയുടെ ആംബൂരി ഡിസ്ട്രിക്റ്റില്‍ കൂട്ടമല സഭാ പ്രവര്‍ത്തകന്‍ രാത്രിയില്‍ ആക്രമിക്കപ്പെടുകയും മഹായിടവകയുടെ പ്രതിഷേധത്തിന് ശേഷം അക്രമികള്‍ ദേവാലയത്തിന് നേരെ ആക്രമം അഴിച്ചുവിടുകയും ചെയ്തു.
ആക്രമികളില്‍ രണ്ടു പേര്‍ മാത്രമാണ് അറസ്റ്റ് ചെയ്യപ്പെട്ടത്. ഇതില്‍ ഉള്‍പ്പെട്ട എല്ലാ കുറ്റവാളികളേയും നിയമത്തിനു മുമ്പില്‍ കൊണ്ടുവരികയും കേരളീയ സമൂഹത്തിന്റെ സാമുദായിക ഐക്യം കാത്തു സൂക്ഷിക്കുകയും ചെയ്യണം.
ആക്രമണത്തില്‍ യോഗം പ്രതിഷേധിച്ചു. മഹാഇടവക അധ്യക്ഷന്‍ റവ. ഡോ. റോയ്‌സ് മനോജ് വിക്ടര്‍ അധ്യക്ഷത വഹിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss