|    Jan 23 Mon, 2017 6:19 pm
FLASH NEWS

മ്യാന്‍മര്‍: ഓങ്‌സാന്‍ സൂച്ചി വിദേശകാര്യമന്ത്രിയാവും

Published : 23rd March 2016 | Posted By: SMR

നാപിഡോ: മ്യാന്‍മര്‍ തിരഞ്ഞെടുപ്പില്‍ ചരിത്രവിജയം നേടിയ നാഷനല്‍ ലീഗ് ഫോര്‍ ഡമോക്രസി (എന്‍എല്‍ഡി) നേതാവ് ഓങ്‌സാന്‍ സൂച്ചി പുതിയ മന്ത്രിസഭയില്‍ ഇടംപിടിച്ചു. പ്രസിഡന്റ് പദവി വഹിക്കുന്നതിനു സൂച്ചിക്കു ഭരണഘടനാ വിലക്കുള്ളതിനാല്‍ മന്ത്രിസഭയിലും അംഗമാവില്ലെന്നാണു കരുതിയിരുന്നത്. പ്രസിഡന്റായി തിരഞ്ഞെടുക്കപ്പെട്ട ടിന്‍ ച്വ പാര്‍ലമെന്റിനു മുമ്പില്‍ സമര്‍പ്പിച്ച 18 അംഗ പട്ടികയിലാണു സൂച്ചിയുടെ പേര് ഇടംപിടിച്ചത്.
വിദേശകാര്യ, ഊര്‍ജ, വിദ്യാഭ്യാസ മന്ത്രാലയങ്ങളുടെയും പ്രസിഡന്റിന്റെ ഓഫിസ് മന്ത്രിയുടെയും ചുമതല സൂച്ചിക്കായിരിക്കുമെന്നാണു മാധ്യമങ്ങള്‍ വിലയിരുത്തുന്നത്. അതേസമയം, മറ്റു വനിതകളെ മന്ത്രിസഭയിലേക്കു പരിഗണിച്ചിട്ടില്ല.
ബന്ധുക്കള്‍ക്കു വിദേശ പാസ്‌പോര്‍ട്ടുണ്ടെങ്കില്‍ മ്യാന്‍മറില്‍ പ്രസിഡന്റ് പദവിയിലിരിക്കാനാവില്ല. സൂച്ചി പ്രസിഡന്റാവുന്നതു തടയുകയെന്ന ലക്ഷ്യത്തോടെ സൈനിക ഭരണകൂടമാണ് ഈ വകുപ്പ് ഭരണഘടനയില്‍ എഴുതിച്ചേര്‍ത്തത്. സൈനിക നേതാക്കളുമായി ആഴ്ചകളോളം ചര്‍ച്ച ചെയ്തിട്ടും ഇക്കാര്യത്തില്‍ മാറ്റംവരുത്താന്‍ എന്‍എല്‍ഡിക്ക് സാധിച്ചിട്ടില്ല.

Share on FacebookShare on Google+Tweet about this on TwitterShare on LinkedIn
(Visited 60 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക