|    Feb 22 Thu, 2018 12:24 pm
FLASH NEWS
Home   >  Kerala   >  

മോഷ്ടാക്കള്‍ അറസ്റ്റില്‍

Published : 21st May 2017 | Posted By: shins

പാലാ: മൊബൈല്‍ ടവറുകള്‍ കേന്ദ്രീകരിച്ചു ബാറ്ററികള്‍ മോഷ്ടിച്ചു വില്‍ക്കുന്ന സംഘം പാലാ പോലീസിന്റെ പിടിയിലായി. ഡിവൈഎസ്പി വി.എ വിനോദ് കുമാറിന്റെ പ്രത്യേക നിര്‍ദ്ദേശ പ്രകാരം നടത്തിയ നൈറ്റ് പെട്രോളിങ്ങിലാണ് കാറുകളില്‍ മോഷണമുതലുമായി പോയ 4 പേരടങ്ങിയ സംഘം പിടിയിലായത്. വാഗമണ്‍ സ്വദേശികളായ പ്രജീഷ് എന്ന പ്രസ്റ്റീജ് (29), ശ്രീജു (28), കാര്‍ത്തിക് (24), മനീഷ് (22) എന്നിവരാണ് 20 ഓളം ബാറ്ററികളുമായി പിടിയിലായത്. ഇതില്‍ മറ്റു 2 പേര്‍ കാറുമായി പിടിയിലായെന്ന് കണ്ട്, സംഘത്തലവനും, മൊബൈല്‍ ടവര്‍ ടെക്‌നീഷ്യനുമായ പ്രസ്റ്റീജും മനീഷും പോലീസിനെ വെട്ടിച്ച് എറണാകുളം റൂട്ടിലേക്ക് വണ്ടിയോടിച്ച് പോയെങ്കിലും പിന്‍തുടര്‍ന്ന് ഇവരെയും പിടികൂടി. സമാന രീതിയില്‍ ഇവര്‍ പല സ്ഥലത്തും മോഷണം നടത്തിയിട്ടുള്ളതായി സംശയിക്കുന്നു. സിഐ ടോമി സെബാസ്റ്റ്യന്റെ നേതൃത്വത്തില്‍ എസ്‌ഐ അഭിലാഷ് കുമാര്‍, എസ്‌ഐ മുരളീ, എഎസ്‌ഐ നടരാജന്‍, സുനില്‍കുമാര്‍, ഷിബു, ബിജു, രാജേഷ് എന്നിവരും ടീമിലുണ്ടായിരുന്നു.

 

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss