|    Jul 18 Wed, 2018 10:18 pm
FLASH NEWS
Home   >  Todays Paper  >  page 9  >  

മോദി വീണ്ടും യുഎഇ സന്ദര്‍ശിക്കും

Published : 7th December 2017 | Posted By: kasim kzm

ദുബയ്്: ഇന്ത്യന്‍ പ്രധാനമന്ത്രി നരേന്ദ്രമോദി വീണ്ടും യുഎഇ സന്ദര്‍ശനം നടത്തുമെന്ന്്് ഇക്കണോമിക്‌സ് ടൈംസ്്് റിപോര്‍ട്ട്്് ചെയ്തു. അടുത്ത വര്‍ഷം ദുബയില്‍ നടക്കുന്ന വേള്‍ഡ്്് ഗവണ്‍മെന്റ് ഉച്ചകോടിയില്‍  സംബന്ധിക്കാന്‍ മുഖ്യാതിഥിയായിട്ടാണ് പ്രധാനമന്ത്രി എത്തുക. ഫെബ്രുവരി 11 മുതല്‍ 13 വരെയാണ് ഈ ഉച്ചകോടി നടക്കുന്നത്. വിവിധ രാജ്യങ്ങളിലെ ഉന്നത വ്യക്തികള്‍ പങ്കെടുക്കുന്ന  സംവാദത്തിനും ജനങ്ങള്‍ക്ക്്് ഉപകാരപ്പെടുന്ന നയങ്ങള്‍ രൂപീകരിക്കാനും ജനങ്ങളുടെ ജീവിതസാഹചര്യങ്ങള്‍ ഉയര്‍ത്താനുമുള്ള വേദിയാണ് ഈ ഉച്ചകോടി. മികച്ച പ്രകടനം കാഴ്ച വച്ച വ്യക്തികള്‍ക്ക് പുരസ്‌കാരങ്ങള്‍ നല്‍കുന്നതിന്്് പുറമെ മികച്ച മന്ത്രിമാര്‍ക്ക് ബെസ്റ്റ് മിനിസ്റ്റര്‍ അവാര്‍ഡും ഈ വേദിയില്‍ സമ്മാനിക്കും. 2015 ആഗസ്്തിലാണ് പ്രധാനമന്ത്രി നരേന്ദ്രമോദി ആദ്യമായി യുഎഇ സന്ദര്‍ശിക്കുന്നത്്. അതേസമയം, പ്രധാനമന്ത്രിയുടെ സന്ദര്‍ശനത്തെക്കുറിച്ച്്് ഇതുവരെ ഔദ്യോഗിക സ്ഥിരീകരണം ലഭിച്ചിട്ടില്ലെന്ന്്് അബൂദബിയിലെ ഇന്ത്യന്‍ എംബസിയിലെ വക്താവ് പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss