|    Mar 30 Thu, 2017 4:18 pm
FLASH NEWS

മോട്ടോര്‍ വാഹനവകുപ്പ് ഉദ്യോഗസ്ഥര്‍ പിന്തുടര്‍ന്ന ബൈക്ക് മറിഞ്ഞ് യുവാക്കള്‍ക്ക് പരിക്ക്

Published : 27th February 2016 | Posted By: SMR

കൊടുവള്ളി: മോട്ടോര്‍ വാഹന വകുപ്പ് ഉദ്യോഗസ്ഥര്‍ പിന്തുടര്‍ന്ന ബൈക്ക് മറിഞ്ഞ് യുവാക്കള്‍ക്ക് പരിക്ക്. കിഴക്കോത്ത് സ്വദേശികളായ മുഹമ്മദ് ജസീം, മുഹമ്മദ് മന്‍സൂര്‍ എന്നിവര്‍ക്കാണ് പരിക്കേറ്റത്. വെള്ളിയാഴ്ച്ച ഉച്ചക്ക് ഒന്നരയോടെ ദേശീയപാതയില്‍ വാവാട് വില്ലേജ് ഓഫിസിന് സമീപം സ്ഥിരം അപകട മേഖലയിലാണ് സംഭവം. താമരശ്ശേരി ഭാഗത്തേക്ക് പോവുകയായിരുന്ന ബൈക്കിനെ പിന്തുടര്‍ന്നെത്തിയ കൊടുവള്ളി ജോയിന്റ് ആര്‍ടി ഓഫിസിലെ ഉദ്യോഗസ്ഥര്‍ വാഹനം ബൈക്കിനടുത്തേക്ക് അടുപ്പിച്ച് നിര്‍ത്താന്‍ ശ്രമിക്കവെ നിയന്ത്രണം വിട്ട ബൈക്ക് റോഡരികിലെ ഓവുചാലില്‍ വീഴുകയായിരുന്നെന്ന് ദൃക്‌സാക്ഷികള്‍ പറഞ്ഞു. വീഴ്ച്ചയില്‍ കാലിന് പരിക്കേറ്റ യുവാവിനെ കൊണ്ട് തന്നെ ബൈക്ക് ഓവ്ചാലില്‍ നിന്ന് എടുപ്പിച്ചതായി നാട്ടുകാര്‍ പറഞ്ഞു. തുടര്‍ന്ന് ബൈക്കുമായി പോകാന്‍ ശ്രമിച്ച ഉദ്യോഗസ്ഥര്‍ നാട്ടുകാരുടെ പ്രതിഷേധത്തെ തുടര്‍ന്നാണ് പരിക്കേറ്റ യുവാക്കളെ കൊടുവള്ളിയിലെ സ്വകാര്യ ആശുപത്രിയിലെത്തിക്കാന്‍് തയ്യാറായത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day