|    Jun 19 Tue, 2018 4:14 pm
FLASH NEWS
Home   >  Todays Paper  >  page 9  >  

മൈക് പെന്‍സുമായി കൂടിക്കാഴ്ച നടത്തില്ലെന്ന് കോപ്റ്റിക് പോപ്പ്‌

Published : 11th December 2017 | Posted By: kasim kzm

കെയ്‌റോ: ഈജിപ്തിലെത്തുന്ന യുഎസ് വൈസ് പ്രസിഡന്റ് മൈക് പെന്‍സുമായി കൂടിക്കാഴ്ച നടത്തില്ലെന്ന് കോപ്റ്റിക് ചര്‍ച്ച് മേധാവി. ദശലക്ഷക്കണക്കിന് ജനങ്ങളുടെ വികാരത്തെ മാനിക്കാതെ അനുചിതമായ തീരുമാനമെടുത്ത യുഎസ് പ്രസിഡന്റ് ഡോണള്‍ഡ് ട്രംപിന്റെ നടപടിയില്‍ പ്രതിഷേധമറിയിച്ചാണ് ഈ തീരുമാനമെന്ന് ചര്‍ച്ച് അധികൃതര്‍ അറിയിച്ചു. പശ്ചിമേഷ്യയിലെ സമാധാനത്തിനായി തങ്ങള്‍ പ്രാര്‍ഥന നടത്തുമെന്നും അവര്‍ അറിയിച്ചു.കഴിഞ്ഞ ദിവസം ഈജിപ്തിലെ പ്രമുഖ മുസ്‌ലിം പണ്ഡിതനായ അഹ്മദ് അല്‍ ത്വയ്യിബ് പെന്‍സുമായി കൂടിക്കാഴ്ച നടത്തില്ലെന്നു പ്രഖ്യാപിച്ചിരുന്നു. ഈജിപ്തിലെ ഏറ്റവും വലിയ ന്യൂനപക്ഷമായ കോപ് ക്രിസ്ത്യന്‍ നേതൃത്വത്തിന്റെ തീരുമാനം ട്രംപിനുള്ള കനത്ത തിരിച്ചടിയായാണ് വിലയിരുത്തുന്നത്. നേരത്തേ ഫ്രാന്‍സിസ് മാര്‍പാപ്പയും ട്രംപിന്റെ പ്രഖ്യാപനത്തെ അപലപിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss