|    Nov 14 Wed, 2018 6:40 pm
FLASH NEWS
Home   >  Todays Paper  >  Page 1  >  

മേല്‍ത്തട്ട്: വരുമാന പരിധി എട്ടു ലക്ഷമാക്കുന്നത് പരിഗണനയില്‍

Published : 21st March 2018 | Posted By: kasim kzm

തിരുവനന്തപുരം: സംസ്ഥാനത്ത് ന്യൂനപക്ഷ ആനുകൂല്യങ്ങള്‍ക്കുള്ള മേല്‍ത്തട്ട് വരുമാന പരിധി ആറു ലക്ഷത്തില്‍ നിന്ന് എട്ടു ലക്ഷമാക്കുന്നത് സര്‍ക്കാരിന്റെ പരിഗണനയിലാണെന്ന് മന്ത്രി എ കെ ബാലന്‍ പറഞ്ഞു. നേരത്തേ സര്‍ക്കാര്‍ ഇതിനെ എതിര്‍ത്തിരുന്നുവെങ്കിലും നിലവിലെ സാഹചര്യത്തില്‍ പരിധി ഉയര്‍ത്താനുള്ള നീക്കങ്ങള്‍ ആരംഭിച്ചിട്ടുണ്ട്. കേന്ദ്രസര്‍ക്കാര്‍ എട്ടു ലക്ഷമാണ് മേല്‍ത്തട്ട് പരിധി നിശ്ചയിച്ചിരിക്കുന്നത്. സംസ്ഥാനം പരിധി കുറച്ചതിനെതിരേ ന്യൂനപക്ഷ വിഭാഗങ്ങള്‍ക്കിടയില്‍ നിന്ന് എതിര്‍പ്പുയര്‍ന്നിരുന്നു.
ഇതോടൊപ്പം സംസ്ഥാനത്ത് ഒഴിഞ്ഞുകിടക്കുന്ന പട്ടികജാതി-വര്‍ഗ വിഭാഗങ്ങളുടെ സംവരണ സീറ്റുകള്‍ പരിശോധിച്ച് കണ്ടെത്തി നികത്തുന്നതിന് നടപടികള്‍ സ്വീകരിക്കും. ഇതിനായി രൂപവല്‍ക്കരിച്ച മുഖ്യമന്ത്രിയുടെ അധ്യക്ഷതയിലുള്ള സമിതിയുടെ യോഗം ഉടന്‍ ചേരും. ഈ വകുപ്പുകള്‍ക്കുള്ള കേന്ദ്ര ഫണ്ട് പൂര്‍ണമായും ലഭിച്ചിട്ടില്ല. കഴിഞ്ഞ രണ്ടു വര്‍ഷത്തിനിടെ അനുവദിച്ചത് 30 ശതമാനം മാത്രമാണ്.
ലൈഫ് പദ്ധതി ഉള്‍പ്പെടെയുള്ള നീക്കങ്ങളിലൂടെ രണ്ടു വര്‍ഷത്തിനിടെ ഈ പ്രശ്‌നം പരിഹരിക്കാന്‍ ശ്രമിക്കും. പട്ടിക വിഭാഗങ്ങളുടെയും ആദിവാസികളുടെയും കുട്ടികളുടെ വിദ്യാഭ്യാസ നിലവാരം ഉയര്‍ത്താന്‍ 25,000 പഠനമുറി ഉള്‍പ്പെടെ വിവിധ പദ്ധതികള്‍ ആവിഷ്‌കരിച്ചു നടപ്പാക്കുന്നുണ്ടെന്ന് ധനാഭ്യര്‍ഥന ചര്‍ച്ചയ്ക്കു മറുപടിയായി മന്ത്രി പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss