|    Oct 21 Sun, 2018 2:19 pm
FLASH NEWS

മേലൂരിലെ കരുവാപ്പടിയില്‍ അജ്ഞാത ജീവിയുടെ ആക്രമണം; രണ്ട് ആടുകള്‍ ചത്തു

Published : 21st March 2018 | Posted By: kasim kzm

ചാലക്കുടി: മേലൂരിലെ കരുവാപ്പടിയില്‍ അജ്ഞാത ജീവിയുടെ ആക്രമണം, രണ്ടു ആടുകള്‍ ചത്തു. ഒരാഴ്ചക്കുള്ളില്‍ ചത്ത ആടുകളുടെ എണ്ണം ഇതോടെ അഞ്ചാവുകയും ചെയ്തു. പുളിക്കന്‍ ഡേവിസിന്റെ വീട്ടിലെ രണ്ടു കുട്ടി ആടുകളെയാണ് അജ്ഞാത ജീവി വകവരുത്തിയത്.
തള്ളയാടിന്റെ നേരെ ആക്രമണം നടന്നെങ്കിലും കഴുത്തില്‍ കടിയേറ്റ മുറിവുകളോടെ ഇതുരക്ഷപ്പെട്ടു. ചത്ത ആടുകളുടെ ആന്തരാവയവങ്ങള്‍ പുറത്തുവന്ന നിലയിലാണ്. ആടുകളെ കെട്ടിയിട്ട ഷെഡില്‍ കണ്ടെത്തിയ കാല്‍പ്പാടുകള്‍ നായ്ക്കളുടേതെല്ലെന്ന് ഡേവിസിന്റെ സഹോദരന്‍ ഷൈജു പറഞ്ഞു.
രാത്രിയില്‍ ആടുകളുടെ നിലവിളികേട്ടിരുന്നു. നേരം പുലര്‍ന്ന് വീട്ടുകാര്‍ നോക്കിയപ്പോഴാണ് ആട്ടിന്‍കുട്ടികള്‍ ചത്തുകിടക്കുന്നത് കണ്ടത്. തിങ്കളാഴ്ച മുള്ളന്‍പാറയിലെ മേച്ചേരി വര്‍ഗീസിന്റെ ആടും ഇത്തരത്തിലുള്ള ആക്രമണത്തില്‍ ചത്തിരുന്നു. കരുവാപ്പടിയിലെ പി എ സാബു, വല്ലത്തുകാരന്‍ സിജോ എന്നിവരുടെ വീടുകളിലെ ആടുകളും ഒരാഴ്ചക്കുള്ളില്‍ അജ്ഞാത ജീവിയുടെ ആക്രണത്തില്‍ ചത്തു. നാട്ടുകാര്‍ ഭയപ്പാടിലാണെന്ന് വര്‍ഗീസ് മേച്ചേരി പറഞ്ഞു. വെറ്റിനറി അധികൃതരും വനപാലകരും സ്ഥലത്തെത്തി പരിശോധന നടത്തി. ചാലക്കുടി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്‍ വി ഡി തോമസും സ്ഥലത്തെത്തിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss