|    Jul 19 Thu, 2018 9:00 am
FLASH NEWS
Home   >  National   >  

മേഘാലയ സര്‍ക്കാര്‍: അവകാശവാദം ഉന്നയിച്ച് കോണ്‍ഗ്രസ് ഗവര്‍ണറെ കണ്ടു

Published : 4th March 2018 | Posted By: sruthi srt

ഷില്ലോങ്: മേഘാലയയില്‍ സര്‍ക്കാരുണ്ടാക്കാന്‍ അവകാശവാദം ഉന്നയിച്ച് കോണ്‍ഗ്രസ്. ശനി രാത്രി വൈകി ഗവര്‍ണര്‍ ഗംഗ പ്രസാദിനെ കണ്ട് കോണ്‍ഗ്രസ് ഈ ആവശ്യം ഉന്നയിച്ചു. സംസ്ഥാനത്തെ ഏറ്റവും വലിയ ഒറ്റക്കക്ഷിയാണ് കോണ്‍ഗ്രസ്.

ഏറ്റവും വലിയ ഒറ്റക്കക്ഷിയെന്ന നിലയില്‍ സര്‍ക്കാരുണ്ടാക്കാനുള്ള അവകാശം ഞങ്ങള്‍ക്കാണെന്നു ഗവര്‍ണറോടു പറഞ്ഞിട്ടുണ്ട്-മുതിര്‍ന്ന നേതാവ് കമല്‍ നാഥ് ദേശീയമാധ്യമത്തോടു പറഞ്ഞു. കമല്‍ നാഥിനെയും അഹമ്മദ് പട്ടേലിനെയുമാണ് സര്‍ക്കാര്‍ രൂപീകരണ കാര്യങ്ങള്‍ സംസാരിക്കാന്‍ കോണ്‍ഗ്രസ് മേഘാലയയിലേക്ക് അയച്ചത്.
60 അംഗ നിയമസഭയില്‍ 59 സീറ്റുകളിലേക്കാണു മല്‍സരം നടന്നത്. ഇതില്‍ കേവല ഭൂരിപക്ഷം 31 സീറ്റാണെന്നിരിക്കെ, 21 സീറ്റുകളാണ് കോണ്‍ഗ്രസിനു നേടാനായത്. എന്‍പിപിക്ക് 19, ബിജെപിക്ക് രണ്ട്, മറ്റുള്ളവര്‍ 17 എന്നിങ്ങനെയാണ് സീറ്റുകള്‍. കഴിഞ്ഞ തിരഞ്ഞെടുപ്പില്‍ 28 സീറ്റായിരുന്നു കോണ്‍ഗ്രസ് നേടിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss