|    Apr 23 Mon, 2018 1:58 am
FLASH NEWS
Home   >  Sports  >  Football  >  

മെസ്സിക്ക് ഇരട്ട ഗോള്‍; ചെല്‍സിയെ വീഴ്ത്തി ബാഴ്‌സലോണ ചാംപ്യന്‍സ് ലീഗ് ക്വാര്‍ട്ടറില്‍

Published : 15th March 2018 | Posted By: vishnu vis


ബാഴ്‌സലോണ: യുവേഫ ചാംപ്യന്‍സ് ലീഗ് രണ്ടാം പാദ പ്ലേ ഓഫില്‍ ചെല്‍സിയെ എതിരില്ലാത്ത മൂന്ന് ഗോളുകള്‍ക്ക് തകര്‍ത്ത് ബാഴ്‌സലോണ ക്വാര്‍ട്ടറില്‍. ലയണല്‍ മെസ്സിയുടെ ഇരട്ട ഗോളുകളാണ് സ്വന്തം തട്ടകത്തില്‍ ബാഴ്‌സലോണയ്ക്ക് ആവേശ ജയം സമ്മാനിച്ചത്.  ആദ്യ പാദം 1-1 സമനിലയില്‍ കലാശിച്ചതിനാല്‍ ഇരു പാദങ്ങളിലുമായി 4-1ന്റെ ജയത്തോടെയാണ് ബാഴ്‌സയുടെ ക്വാര്‍ട്ടര്‍ പ്രവേശനം.
കളി തുടങ്ങി മൂന്നാം മിനിറ്റില്‍ത്തന്നെ ബാഴ്‌സ അക്കൗണ്ട് തുറന്നു. സുവാരസിന്റെ അസിസ്റ്റിനെ മെസ്സി ലക്ഷ്യം പിഴക്കാതെ വലയിലാക്കുകയായിരുന്നു. 20ാം മിനിറ്റില്‍ ഉസ്മാന്‍ ഡെംബാലെ ബാഴ്‌സയുടെ അക്കൗണ്ടില്‍ രണ്ടാം ഗോള്‍ ചേര്‍ത്തു. ആദ്യ പാദത്തില്‍ 2-0ന്റെ ലീഡോടെ കളം വിട്ട ബാഴ്‌സയ്ക്കുവേണ്ടി രണ്ടാം പകുതിയുടെ 63ാം മിനിറ്റില്‍ മെസ്സി മൂന്നാം ഗോളും സമ്മാനിച്ചു. ഇത്തവണയും സുവാരസിന്റെ അസിസ്റ്റിലായിരുന്നു മെസ്സിയുടെ ഗോള്‍ നേട്ടം. ഇരട്ട ഗോള്‍ നേട്ടത്തോടെ ഈ സീസണിലെ ചാംപ്യന്‍സ് ലീഗില്‍ മെസ്സിയുടെ ഗോള്‍ നേട്ടം ആറായി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss