|    May 23 Wed, 2018 8:19 pm
FLASH NEWS
Home   >  Todays Paper  >  Page 4  >  

മെത്രാപോലീത്ത മാര്‍ കുര്യാക്കോസ് കുന്നശ്ശേരി അന്തരിച്ചു

Published : 15th June 2017 | Posted By: fsq

 

കോട്ടയം: കോട്ടയം അതിരൂപത പ്രഥമ മെത്രാപോലീത്ത മാര്‍ കുര്യാക്കോസ് കുന്നശ്ശേരി (89) അന്തരിച്ചു. ഇന്നലെ വൈകുന്നേരം 4.45ന് കാരിത്താസ് ആശുപത്രിയിലായിരുന്നു അന്ത്യം. വെള്ളിയാഴ്ച ഉച്ചകഴിഞ്ഞ് രണ്ട് മുതല്‍ കോട്ടയം ക്രിസ്തുരാജ കത്തീഡ്രലില്‍ മൃതദേഹം പൊതുദര്‍ശനത്തിന് വയ്ക്കും. മാര്‍ കുര്യാക്കോസ് കുന്നശ്ശേരിയുടെ  വേര്‍പാടിലുള്ള അനുശോചനമായി ഏഴ് ദിവസം ദുഃഖാചരണമായിരിക്കുമെന്നും സംസ്‌കാരദിനമായ ശനിയാഴ്ച അതിരൂപതയിലെ എല്ലാ സ്ഥാപനങ്ങള്‍ക്കും അവധിയായിരിക്കുമെന്നും അതിരൂപതാ വക്താക്കള്‍ അറിയിച്ചു. കടുത്തുരുത്തിയിലുള്ള പുരാതന പ്രശസ്തമായ കുന്നശ്ശേരില്‍ കുടുംബത്തിലെ ജോസഫ്-അന്നമ്മ ദമ്പതികളുടെ മൂത്ത മകനായി 1928 സപ്തംബര്‍ 11 നായിരുന്നു മെത്രാപോലീത്തയുടെ ജനനം. ആലുവ മംഗലപ്പുഴ സെമിനാരിയിലും റോമിലെ പ്രൊപ്പഗന്‍ഡാ കോളജിലുമായി വൈദികപഠനം പൂര്‍ത്തിയാക്കി. ഇദ്ദേഹം സഭാതലത്തില്‍ അനേകം ഉയര്‍ന്ന പദവികള്‍ വഹിച്ചിട്ടുണ്ട്. എസ്എംബിസി വൈസ് പ്രസിഡന്റ്, സെക്രട്ടറി, ലിറ്റര്‍ജിക്കല്‍ കമ്മിറ്റിയംഗം, കെസിബിസി എക്യുമെനിക്കല്‍ കമ്മീഷന്‍ ചെയര്‍മാന്‍, റോമില്‍ നടന്ന അല്‍മായരെക്കുറിച്ചുള്ള മെത്രാന്മാരുടെ സിനഡില്‍ സിബിസിഐയുടെ പ്രതിനിധി, സീറോമലബാര്‍ സഭയുടെ പ്രഥമ സ്ഥിരം സിനഡ് അംഗം എന്നീ നിലകളിലും പ്രവര്‍ത്തിച്ചു. 2005 മെയ് ഒമ്പതിന് കോട്ടയം അതിരൂപതയുടെ പ്രഥമ മെത്രാപോലീത്തയായി  നിയമിതനായി. 2005 ജൂണ്‍ മൂന്നിനായിരുന്നു സ്ഥാനാരോഹണം. 2006 ജനുവരി 14ാം തിയ്യതി ശുശ്രൂഷയില്‍ നിന്നും വിരമിക്കുവാനുള്ള ഇദ്ദേഹത്തിന്റെ അപേക്ഷയ്ക്കു സഭാധികാരികള്‍ ഔദ്യോഗികാംഗീകാരം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss