|    Jul 21 Sat, 2018 7:21 pm
FLASH NEWS

മെഡിക്കല്‍ കോളജ് ഭൂമിയിലെ കാപ്പി മോഷണം; രണ്ടുപേര്‍ പിടിയില്‍

Published : 11th February 2018 | Posted By: kasim kzm

കല്‍പ്പറ്റ: വിവാദമായ മെഡിക്കല്‍ കോളജ് കാപ്പി മോഷണക്കേസിലെ പ്രതികളെ കമ്പളക്കാട് പോലിസ് അറസ്റ്റ് ചെയ്തു. പുളിയാര്‍മല സ്വദേശികളായ ജോണ്‍സണ്‍ (39), വിജയന്‍ (50) എന്നിവരാണ് അറസ്റ്റിലായത്. വയനാട് മെഡിക്കല്‍ കോളജിനായി സ്ഥലം ഏറ്റെടുത്ത മടക്കിമലയിലെ തോട്ടത്തിലെ കാപ്പിയാണ് ആഴ്ചകള്‍ക്കു മുമ്പ് മോഷണം പോയത്. ഇതേറെ വിവാദങ്ങള്‍ക്ക് വഴിവച്ചിരുന്നു. തുടര്‍ന്ന് പ്രതികള്‍ക്ക് വേണ്ടി പോലിസ് അന്വേഷണം ഊര്‍ജിതമാക്കി. ഇന്നലെ രാവിലെ ലഭിച്ച രഹസ്യ വിവരത്തെ തുടര്‍ന്നാണ് അറസ്റ്റ്. കല്‍പ്പറ്റയിലെ ഒരു സ്വകാര്യ മലഞ്ചരക്കു വ്യാപാരകേന്ദ്രത്തില്‍ രണ്ടുപേര്‍ ഇടയ്ക്കിടെ ഉണക്ക കാപ്പി വില്‍ക്കുന്നുണ്ടെന്ന വിവരത്തെ തുടര്‍ന്ന് പോലിസ് കല്‍പ്പറ്റ കേന്ദ്രീകരിച്ച് നടത്തിയ അന്വേഷണത്തിലാണ് പ്രതികള്‍ പിടിയിലായത്. 80 കിലോ ഉണക്ക കാപ്പിയും പ്രതികളില്‍ നിന്നു കണ്ടെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss