|    Nov 18 Sun, 2018 2:49 am
FLASH NEWS

മെഡിക്കല്‍ കോളജിലെ മാലിന്യപ്രശ്‌നത്തിന് പരിഹാരം ഉണ്ടാവണം : ബി മോഹനചന്ദ്രന്‍

Published : 9th June 2017 | Posted By: fsq

 

തൃശൂര്‍: ഗവ. മെഡിക്കല്‍ കോളജ് ആശുപത്രിയിലെ രൂക്ഷമായ മാലിന്യ പ്രശ്‌നം പരിഹരിക്കുന്നതിന് അടിയന്തിര നടപടി അധികാരികള്‍ സ്വീകരിക്കണമെന്ന് കേരള എന്‍ജിഒ അസോസിയേഷന്‍ സംസ്ഥാന വൈസ് പ്രസിഡന്റ് ബി മോഹനചന്ദ്രന്‍ ആവശ്യപ്പെട്ടു. തൃശൂര്‍ മെഡിക്കല്‍ കോളജ് ബ്രാഞ്ച് കമ്മിറ്റിയുടെ 43-ാം വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഖരമാലിന്യങ്ങള്‍ കുമിഞ്ഞുകൂടിയതുകൊണ്ട് രോഗികള്‍ ദുരിതം അനുഭവിക്കുകയാണ്. ഈ മാലിന്യങ്ങള്‍ നീക്കം ചെയ്യുകയും ശാശ്വതമായ പരിഹാരം ഉണ്ടാകാതിരിക്കുന്ന പക്ഷം ശക്തമായ പ്രക്ഷോഭപരിപാടികള്‍ക്ക് രൂപം നല്‍കുമെന്നും അദ്ദേഹം പറഞ്ഞു.  സര്‍ക്കാര്‍ ജീവനക്കാരെ രാഷ്ട്രീയപ്രേരിതമായി സ്ഥലംമാറ്റുകയും പീഡിപ്പിക്കുകയും ചെയ്യുന്ന നടപടി നിര്‍ത്തിവെക്കണമെന്ന് അദ്ദേഹം സര്‍ക്കാരിനോട് ആവശ്യപ്പെട്ടു.  ബ്രാഞ്ച് പ്രസിഡന്റ് കെ പി ഗിരീഷ് അദ്ധ്യക്ഷത വഹിച്ചു. എന്‍ജിഒ അസോസിയേഷന്‍ മെഡിക്കല്‍ കോളജ് ബ്രാഞ്ച് കമ്മിറ്റിയുടെ അടുത്തവര്‍ഷത്തെ ഭാരവാഹികളായി കെ പി ഗിരീഷ് (പ്രസി), കെഎസ് മധു (സെക്ര), എം ജി രഘുനാഥ് (ഖജ) തെരഞ്ഞെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss