|    Nov 17 Sat, 2018 5:42 am
FLASH NEWS

മെട്രോ സൗന്ദര്യവല്‍ക്കരണ ഭൂമിയിലെ കൈയേറ്റം; ഭരണകക്ഷിക്ക് മൗനം

Published : 1st April 2018 | Posted By: kasim kzm

ആലുവ: മെട്രോ സൗന്ദര്യവല്‍ക്കരണ ഭൂമി കൈയേറി ഓഫിസ് നിര്‍മിച്ചതില്‍ നഗരസഭ ഭരണ കക്ഷിക്ക് മൗനം. സ്വകാര്യ ബസ്സ്റ്റാന്റിന് പിറകുവശത്തെ നഗരസഭ കെട്ടിടത്തിന് സമീപത്തെ മൂന്ന് സെന്റോളം വരുന്ന ഭൂമിയിലാണ് ഐഎന്‍ടിയുസി കൈയേറി യൂനിയന്‍ ഓഫിസ് സ്ഥാപിച്ചത്.
മാര്‍ക്കറ്റ് കേന്ദ്രീകരിച്ച് കയറ്റിറക്ക് തൊഴില്‍ ചെയ്യുന്നവരുടെ ഓഫിസാണ് ആലുവ മേല്‍പ്പാലത്തിന് താഴെ പ്രവര്‍ത്തിക്കുന്നത്. നഗരസഭ ഭരണപക്ഷത്തെ പ്രമുഖനായ നേതാവാണു യൂനിയന്റെ നേതൃത്വം വഹിക്കുന്നത്. മൂന്ന് മാസം മുന്‍പ് ഇതേ ഭൂമി കൈയേറിയ ചെറുകിട കച്ചവടക്കാരെ നോട്ടീസ് നല്‍കി നഗരസഭ ഒഴിപ്പിച്ചിരുന്നു. വര്‍ഷങ്ങളായി ഈ പ്രദേശത്ത് കച്ചവടം നടത്തി വന്ന ചെറുകിട വ്യാപാരിയാണു സൗന്ദര്യവല്‍ക്കരണത്തിന്റെ പേരില്‍ ഇരിപ്പിടം നഷ്ടപ്പെട്ടപ്പോള്‍  താല്‍ക്കാലികമായി പെട്ടികടകള്‍ മാറ്റി സ്ഥാപിച്ചിരുന്നത്. ഈ പെട്ടിക്കട നിമിഷ നേരം കൊണ്ട് ഒഴിപ്പിക്കാന്‍ നേതൃത്വം നല്‍കിയത് ഇപ്പോള്‍ അനധികൃത ഓഫിസ് നിര്‍മിക്കാന്‍ ഒത്താശ ചെയ്ത ഭരണകക്ഷി നേതാവ് തന്നെയാണ്. കഴിഞ്ഞ ദിവസത്തെ ഒഴിവ് ദിവസങ്ങളില്‍ നഗരസഭാ നടപടികള്‍ വൈകുമെന്ന് മനസ്സിലാക്കിയാണു കൈയേറ്റം. കൈയേറ്റം പൊളിച്ചുനീക്കാത്ത പക്ഷം ഇതേ സ്ഥലത്ത് വിവിധ തൊഴിലാളി സംഘടനകളും ഓഫിസ് നിര്‍മിക്കുവാനാണ് തീരുമാനം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss