|    Aug 17 Thu, 2017 11:02 pm
FLASH NEWS
Home   >  Todays Paper  >  page 7  >  

മെട്രോ സ്റ്റേഷനില്‍ യുവാവ് 30 അടി ഉയരത്തില്‍നിന്ന് താഴേക്ക് ചാടി

Published : 29th June 2017 | Posted By: fsq

 

മുംബൈ: മുംബൈയില്‍ മെട്രോ സ്റ്റേഷനില്‍ 30 അടി ഉയരത്തില്‍ നിന്ന് യുവാവ് താഴേക്ക് ചാടി. ഒഡീഷ സ്വദേശി രാജ്കുമാറാണ് (18) കഴിഞ്ഞദിവസം മുംബൈ മെട്രോയുടെ ഘട്‌കോപര്‍ സ്റ്റേഷനില്‍ നിന്നു താഴേക്കു ചാടിയത്. കൈ ഒടിഞ്ഞ ഇയാളെ രാജ്‌വാദി ആശുപത്രിയില്‍ പ്രവേശിപ്പിച്ചു. ഘട്‌കോപര്‍ സ്റ്റേഷനില്‍ ഇറങ്ങിയ രാജ് കുമാര്‍ പുറത്തുകടക്കുന്നതിനായി തന്റെ പക്കലുള്ള ടോക്കണ്‍ നിക്ഷേപിച്ചെങ്കിലും ഗേറ്റ് തുറന്നില്ല. തുടര്‍ന്ന് സുരക്ഷാ ഉദ്യോഗസ്ഥര്‍ ഇയാളെ പിടികൂടി ചോദ്യംചെയ്യാനായി കൊണ്ടുപോയി. ഈ സമയം ഇവരില്‍ നിന്ന് രക്ഷപെടാനായി ഇയാള്‍ താഴേക്ക് ചാടുകയായിരുന്നു. സകിനാക സ്‌റ്റേഷനില്‍ നിന്ന് കയറിയ രാജ് കുമാറിന്റെ ടിക്കറ്റ് പരിധി അവസാനിച്ചതിനാലാണ് ഗേറ്റ് തുറക്കാതിരുന്നതെന്ന് ഉദ്യോഗസ്ഥര്‍ പറയുന്നു. സംഭവം നടക്കുന്ന സമയത്ത് ഇയാള്‍ മദ്യപിച്ചിരുന്നതായും അവര്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക