|    Jan 18 Wed, 2017 7:06 am
FLASH NEWS

മൃണാളിനിയുടെ മരണത്തില്‍ അനുശോചനമില്ല; മോദിക്കെതിരേ മല്ലിക സാരാഭായ്

Published : 23rd January 2016 | Posted By: SMR

അഹ്മദാബാദ്: മൃണാളിനി സാരാഭായിയുടെ മരണത്തി ല്‍ അനുശോചിക്കാത്ത പ്രധാനമന്ത്രി മോദിയുടെ നടപടി അപലപനീയമാണെന്ന് അവരുടെ മകളും പ്രശസ്ത നര്‍ത്തകിയുമായ മല്ലിക സാരാഭായ്. പ്രധാനമന്ത്രിയുടെ വിദ്വേഷ മനോഭാവത്തെയാണ് ഇതു കാണിക്കുന്നതെന്നും അവര്‍ പറഞ്ഞു. സാമൂഹിക പ്രവര്‍ത്തക കൂടിയായ മല്ലികാ സാരാഭായ് 2009ലെ ലോക്‌സഭാ തിരഞ്ഞെടുപ്പില്‍ മുതിര്‍ന്ന ബിജെപി നേതാവായ എല്‍ കെ അഡ്വാനിക്കെതിരേ അഹ്മദാബാദില്‍ സ്വതന്ത്രസ്ഥാനാര്‍ഥിയായി മല്‍സരിച്ചു പരാജയപ്പെട്ടിരുന്നു.
പ്രധാനമന്ത്രി തന്റെ രാഷ്ട്രീയത്തെയും പ്രധാനമന്ത്രിയുടെ രാഷ്ട്രീയത്തെ താനും വെറുക്കുന്നുണ്ടാവാം. പക്ഷേ, രാജ്യത്തിന്റെ സംസ്‌കാരം ആറു പതിറ്റാണ്ടിലേറെയായി ലോകത്തിന്റെ നിറുകയിലെത്തിക്കാ ന്‍ ശ്രമിച്ച മൃണാളിനി സാരാഭായിയുമായി അതിനു ബന്ധമില്ല- മല്ലിക പറഞ്ഞു.
മോദി ഗുജറാത്ത് മുഖ്യമന്ത്രിയായിരിക്കെ അദ്ദേഹത്തിന്റെ കടുത്ത വിമര്‍ശകയായിരുന്നു മല്ലിക സാരാഭായ്. 2002ലെ ഗുജറാത്ത് കലാപത്തിനെതിരേ അവര്‍ ശക്തമായി പ്രതികരിച്ചിരുന്നു. അനധികൃതമായി അമേരിക്കയിലേക്ക് മനുഷ്യക്കടത്ത് നടത്തുന്നു എന്നാരോപിച്ച് ഗുജറാ ത്ത് പോലിസ് മല്ലികയ്‌ക്കെതിരേ കേസെടുത്തിരുന്നു. എന്നാല്‍ കോടതി അവരെ കുറ്റവിമുക്തയാക്കി.

Share on FacebookShare on Google+Tweet about this on TwitterShare on LinkedIn
(Visited 76 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക