|    Feb 24 Sat, 2018 7:59 am
FLASH NEWS
Home   >  Todays Paper  >  page 9  >  

മൂസിലില്‍ സാധാരണക്കാരുടെ നില പരുങ്ങലിലെന്ന് യുഎന്‍

Published : 29th May 2017 | Posted By: fsq

 

ബഗ്ദാദ്: ഇറാഖി സൈന്യത്തിന്റെ മൂസില്‍ വിമോചന ദൗത്യം അവസാനഘട്ടത്തിലേക്കു പ്രവേശിച്ചതോടെ സാധാരണക്കാരുടെ നില പരുങ്ങലിലായെന്ന് യുഎന്‍ ഏജന്‍സി. സായുധസംഘമായ ഐഎസ്, കുടുംബങ്ങളെ നേരിട്ടു ലക്ഷ്യമിടാന്‍ ആരംഭിച്ചതോടെ പ്രദേശവാസികള്‍ അപകടകരമായ സ്ഥിതിയിലാണെന്ന് യുഎന്‍ ഹ്യുമാനിറ്റേറിയന്‍ റിലീഫ് കോ-ഓഡിനേറ്റര്‍ ലിസി ഗ്രാന്‍ഡെ പറഞ്ഞു. നിരവധി കുടുംബങ്ങള്‍ കടുത്ത ജല-വൈദ്യുതി ദൗര്‍ലഭ്യം നേരിടുകയാണ്. ആക്രമണത്തിന്റെ അടുത്തഘട്ടം കൂടുതല്‍ കഠിനമായിരിക്കും. മേഖലയില്‍നിന്നു രക്ഷപ്പെടാന്‍ ശ്രമിക്കുന്ന കുടുംബങ്ങളെ ഐഎസ് ലക്ഷ്യംവയ്ക്കുകയാണ്. ഭക്ഷണത്തിന്റെയും മരുന്നിന്റെയും ശേഖരം തീരെ കുറവാണെന്നും അവര്‍ പറഞ്ഞു. ശനിയാഴ്ച ഐഎസിനെതിരേ മികച്ച മുന്നേറ്റം നടത്തിയതായി ഇറാഖി സേന അവകാശപ്പെട്ടിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss