|    Feb 20 Tue, 2018 7:11 pm
FLASH NEWS
Home   >  Todays Paper  >  Page 1  >  

മൂന്നാറില്‍ വിദേശ മലയാളി കൈയേറിയ 27 ഏക്കര്‍ ഭൂമി സര്‍ക്കാര്‍ ഏറ്റെടുത്തു

Published : 24th May 2017 | Posted By: fsq

 

മൂന്നാര്‍: സ്വകാര്യ വ്യക്തി കൈയേറിയ 27 ഏക്കര്‍ സര്‍ക്കാര്‍ ഭൂമി റവന്യൂ അധികൃതര്‍ പിടിച്ചെടുത്തു. മൂന്നാര്‍-മാങ്കുളം റോഡില്‍ ലക്ഷ്മി എസ്‌റ്റേറ്റ് ഭാഗത്ത്, ജര്‍മനിയില്‍ താമസിച്ചുവരുന്ന കൊച്ചി സ്വദേശി കോട്ടൂര്‍ ജോളിപോള്‍, മകള്‍ ജെസി എന്നിവര്‍ കൈവശം വച്ചിരുന്ന ഭൂമിയാണ് ദേവികുളം തഹസില്‍ദാര്‍ പി കെ ഷാജിയുടെ നേതൃത്വത്തില്‍ ഏറ്റെടുത്തത്. ഇവിടെ സര്‍ക്കാര്‍ ബോര്‍ഡ് സ്ഥാപിച്ചു. ആകെ കൈവശം വച്ചിരുന്ന 28 ഏക്കറില്‍ ഒരേക്കര്‍ ഭൂമിക്ക് ഇവരുടെ പക്കല്‍ പട്ടയമുള്ളതായി അധികൃതര്‍ പറഞ്ഞു. കല്ലറയ്ക്കല്‍ കോഫി എസ്‌റ്റേറ്റ് എന്ന പേരിലാണ് ഭൂമി കൈവശം വച്ചിരുന്നത്. വന്‍കിട കൈയേറ്റങ്ങള്‍ മുഖംനോക്കാതെ ഒഴിപ്പിക്കുമെന്ന സര്‍ക്കാര്‍ നയത്തിന്റെ ആദ്യപടിയായാണ് ഭൂമി ഏറ്റെടുത്തത്. ജോളിപോളിന്റെ മകള്‍ ജെസിയാണ് ഒരേക്കര്‍ പട്ടയഭൂമി ഇവിടെ വാങ്ങിയത്. ഭൂമിയുടെ പവര്‍ ഓഫ് അറ്റോര്‍ണി മകള്‍ പിതാവ് ജോളിപോളിന് നല്‍കി വിദേശത്തേക്കു മടങ്ങി. എന്നാല്‍, ഈ പട്ടയം മറയാക്കി പിതാവ് സമീപത്തെ സര്‍ക്കാര്‍ ഭൂമി കൈയേറുകയായിരുന്നു. സംഭവത്തെ തുടര്‍ന്ന് റവന്യൂ സംഘം ഉടമകള്‍ക്കു നോട്ടീസ് നല്‍കുന്നതിനായി എസ്‌റ്റേറ്റിലെത്തിയെങ്കിലും കൈപ്പറ്റാന്‍ ആരുമുണ്ടായിരുന്നില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss