|    Oct 19 Thu, 2017 3:00 pm
FLASH NEWS

മൂന്നാറിലെ വിവാദ പോലിസുകാരനെതിരേ നടപടിയില്ല; പ്രശ്‌നം തീര്‍ക്കാന്‍ ഉന്നത ശ്രമം

Published : 18th April 2016 | Posted By: SMR

തൊടുപുഴ: മൂന്നാറിലെ വിവാദ പോലിസുകാരനെതിരെ രഹസ്യാന്വേഷണ വിഭാഗം അധികാര ദുര്‍വിനിയോഗത്തിന് റിപോര്‍ട്ട് നല്‍കിയിട്ടും ഈ ഉദ്യോഗസ്ഥനെതിരെ നടപടിയെടുക്കുവാന്‍ ജില്ല പോലിസ് മേധാവിക്ക് ധൈര്യമില്ല.
കഴിഞ്ഞ മാസം മൂന്നാറിലെ പാചക വാതക വിതരണ കേന്ദ്രത്തിലെത്തി ചട്ടങ്ങള്‍ കാറ്റില്‍ പറത്തി ഗ്യാസ് സിലിണ്ടര്‍ വേണമെന്ന് ഈ ഉദ്യോഗസ്ഥന്‍ ആവശ്യപ്പെട്ടു. ബുക്ക് ചെയ്ത ക്രമത്തില്‍ മാത്രമേ സിലിണ്ടര്‍ നല്‍കൂ എന്ന് ജീവനക്കാര്‍ പറഞ്ഞു. ഇതില്‍ കുപിതമായ ഉദ്യോഗസ്ഥന്‍ സിലിണ്ടറുകളുമായി വിതരണത്തിന് പോയ വാഹനം മണിക്കൂറുകളോളം തടഞ്ഞ് വച്ചു. സംഭവം വിവാദമായതോടെ നൂറ് രൂപ പെറ്റിയടിച്ച് വാഹനം വിട്ട് നല്‍കുകയും ചെയ്തു. ഈ സംഭവത്തില്‍ പോലിസ് സേനയ്ക്ക് മാനക്കേടാണ് ഈ പോലിസുകാരന്‍ ഉണ്ടാക്കിയത്. ഇത് രഹസ്യാന്വേഷണ വിഭാഗം നല്‍കിയ റിേപാര്‍ട്ടിലുണ്ടായിരുന്നു.
എന്നിട്ടും നടപടിയുണ്ടായില്ല. ഉദ്യോഗസ്ഥനെ വിളിച്ചുവരുത്തി താക്കീത് ചെയ്ത് പ്രശ്‌നം തീര്‍ക്കാനാണ് ഉന്നതര്‍ ശ്രമിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക