|    Oct 18 Wed, 2017 11:23 am
FLASH NEWS
Home   >  Todays Paper  >  page 12  >  

മൂന്നാം റാങ്കിന്റെ തിളക്കത്തില്‍ ബെന്‍സന്‍ ജെയ്ക്ക് എല്‍ദോ

Published : 2nd June 2016 | Posted By: SMR

ശരത്‌ലാല്‍ ചിറ്റടിമംഗലത്ത്

കൊച്ചി: ഈ വര്‍ഷത്തെ മെഡിക്കല്‍ എന്‍ട്രന്‍സ് പരീക്ഷയില്‍ മൂന്നാം റാങ്ക് നേടിയത് എറണാകുളം ജില്ലയിലെ പൊയ്ക്കാട്ടുശ്ശേരി വടക്കന്‍ഹൗസില്‍ ബെന്‍സന്‍ ജെ എല്‍ദോ എന്ന മിടുക്കനാണ്. കഴിഞ്ഞ തവണ മെഡിക്കല്‍ എന്‍ട്രന്‍സ് എഴുതിയെങ്കിലും 1176ാം റാങ്കില്‍ തൃപ്തിപ്പെടേണ്ടി വന്നു.
ആദ്യ പത്ത് റാങ്കിനുള്ളില്‍ എത്തുമെന്നു പ്രതീക്ഷയുണ്ടായിരുന്നുവെന്ന് ബെന്‍സന്‍ പറഞ്ഞു. എന്നാല്‍, മൂന്നാം റാങ്ക് ലഭിക്കുമെന്ന് സ്വപ്‌നത്തില്‍ പോലും കരുതിയിരുന്നില്ല. ഇന്നലെ ഉച്ചയ്ക്കു ശേഷം ബെന്‍സന്‍ താമസിക്കുന്ന വടക്കന്‍ഹൗസിലേക്ക് അഭിനന്ദന പ്രവാഹമായിരുന്നു. ആരോഗ്യമന്ത്രി കെ കെ ഷൈലജ നേരിട്ട് ഫോണില്‍ വിളിച്ച് അഭിനന്ദനം അറിയിച്ചു. കോഴിക്കോട് മെഡിക്കല്‍ കോളജിലോ അല്ലെങ്കില്‍ തിരുവനന്തപുരത്തോ പഠിക്കാനാണു താല്‍പര്യം. ഏക മകന്റെ മികവുറ്റ വിജയത്തിന്റെ ത്രില്ലിലാണ് പിതാവ് എല്‍ദോസ്. മകന്റെ തുടര്‍പഠനം അവന്റെ താല്‍പര്യത്തിനനുസരിച്ച് വിട്ടുകൊടുക്കാനാണ് ഉദ്ദേശിക്കുന്നതെന്ന് എല്‍ദോസ് തേജസിനോടു പറഞ്ഞു. കോയമ്പത്തൂരിലെ സെന്‍ട്രല്‍ ബാങ്ക് ഓഫ് ഇന്ത്യയില്‍ അസിസ്റ്റന്റ് മാനേജരായി ജോലി ചെയ്യുകയാണ് ഇദ്ദേഹം. മാതാവ് ഷിബി അത്താണി സെന്റ് ഫ്രാന്‍സിസ് അസ്സീസി സ്‌കൂളിലെ അധ്യാപികയാണ്.
ആലുവ എസ്എന്‍ഡിപി എച്ച്എസ്എസിലെ പ്ലസ്ടു വിദ്യാര്‍ഥിയായിരുന്ന ബെന്‍സന്‍ മുഴുവന്‍ വിഷയങ്ങള്‍ക്കും എപ്ലസും നേടിയിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക