|    Mar 26 Sun, 2017 12:49 pm
FLASH NEWS
Home   >  Sports  >  Cricket  >  

മൂന്നാം ട്വന്റി: ട്വന്റി പരമ്പരയും യുവ ഇന്ത്യക്ക്

Published : 23rd June 2016 | Posted By: SMR

ഹരാരെ: ഏകദിന പരമ്പരയ്ക്കു പിറകെ സിംബാബ്‌വെയ്‌ക്കെതിരായ ട്വന്റി ക്രിക്കറ്റ് പരമ്പര യുവ ഇന്ത്യ കൈക്കലാക്കി. ഇന്നലെ നടന്ന മൂന്നാമത്തെയും അവസാനത്തെയും കളിയില്‍ മൂന്നു റണ്‍സിന്റെ ത്രസിപ്പിക്കുന്ന ജയമാണ് ഇന്ത്യ നേടിയത്.
ഇതോടെ മൂന്നു മല്‍സരങ്ങളുടെ പരമ്പര ഇന്ത്യ 2-1നു സ്വന്തമാക്കി. ആദ്യ കളിയില്‍ തോറ്റ ശേഷമാണ് ഇന്ത്യ ശക്തമായ തിരിച്ചുവരവ് നടത്തിയത്.
ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ ആറു വിക്കറ്റിന് 136 റണ്‍സ് നേടി. കേദാര്‍ യാദവിന്റെ (58) അര്‍ധസെഞ്ച്വറിയാണ് ഇന്ത്യയെ പൊരുതാവുന്ന സ്‌കോറിലെത്തിച്ചത്. ലോകേഷ് രാഹുല്‍ (22), അമ്പാട്ടി റായുഡു (20), അക്ഷര്‍ പട്ടേല്‍ (20*) എന്നിവരാണ് രണ്ടക്കം കടന്ന മറ്റു താരങ്ങള്‍. 42 പന്തില്‍ ഏഴു ബൗണ്ടറികളും ഒരു സിക്‌സറും യാദവിന്റെ ഇന്നിങ്‌സിലുണ്ടായിരുന്നു.
മറുപടിയില്‍ ആറു വിക്കറ്റിന് 135 റണ്‍സില്‍ സിംബാബ്‌വെയുടെ പോരാട്ടമവസാനിച്ചു. വൂസി സിബാന്‍ഡ (28), പീറ്റര്‍ മൂര്‍ (26), ടിമിസെന്‍ മറുമ (23*) എന്നിവര്‍ ഭേദപ്പെട്ട പ്രകടനം കാഴ്ചവച്ചു.
ഇന്ത്യക്കുവേണ്ടി ബരീന്ദര്‍ സ്രാ നും ധവാല്‍ കുല്‍ക്കര്‍ണിയും രണ്ടു വിക്കറ്റ് വീതം വീഴ്ത്തി.

(Visited 75 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക