|    Dec 10 Mon, 2018 10:49 pm
FLASH NEWS

മൂന്നരടി ഉയരമുള്ള നായകനും നായികക്കും സ്വീകരണം

Published : 26th April 2018 | Posted By: kasim kzm

ചാലക്കുടി: വെള്ളിയാഴ്ച റിലീസായ മൂന്നര എന്ന മലയാള സിനിമയിലെ മൂന്നരടി ഉയരമുള്ള നായകനും നായികക്കും ടോള്‍മെന്‍സ് സന്മനസ്സ് ഗ്രൂപ്പിന്റെ നേതൃത്വത്തില്‍ ചാലക്കുടി സൗത്ത് ജംഗ്ഷനില്‍ സ്വീകരണം നല്‍കി.
നായകന്‍ അറുമുഖന്‍ ആലപ്പുഴ, നായിക മഞ്ജു രാഘവന്‍ പാലക്കാട് എന്നിവര്‍ക്കാണ് ഉയരക്കാരുടെ നേതൃത്വത്തില്‍ സ്വീകരണം നല്‍കിയത്. ഈ സിനിമ പ്രദര്‍ശിപ്പിക്കുന്ന എല്ലാ തിയ്യറ്ററുകളിലും സന്മനസ്സ് ഗ്രൂപ്പ് സ്വീകരണം ഒരുക്കുന്നുണ്ട്. എറണാകുളം സംഗീത തിയ്യറ്ററിലാണ് ആദ്യസ്വീകരണം നല്‍കിയത്.
മലായള ചലച്ചിത്രത്തില്‍ ആദ്യമായാണ് ഉയരകുറവുള്ളവര്‍ പ്രധാന വേഷം ചെയ്യുന്നത്. അത്ഭുതദീപ്, കുട്ടിയും കോലും, ഓര്‍ഡിനറി, മായാപുരി എന്നീ ചിത്രങ്ങളില്‍ അറുമുഖന്‍ പ്രധാന വേഷങ്ങള്‍ ചെയ്തിട്ടുണ്ട്.
എന്നാല്‍ മഞ്ജുവിന്റെ ആദ്യചിത്രമാണ് മൂന്നരടി. സൂരജ് സജിയാണ് സംവിധായകന്‍. സൗത്ത് ജംഗ്ഷനില്‍ നടന്ന യോഗത്തില്‍ സന്മനസ്സ് ഗ്രൂപ്പ് ചെയര്‍മാന്‍ തുമ്പൂര്‍ ഷിബു കേരളത്തില്‍ ഏറ്റവും ഉയരമുള്ള ഏഴടിക്കാരന്‍ കമുറുദിന്‍ പാവര്‍ട്ടി എന്നിവര്‍ ചേര്‍ന്ന് നായിക-നായകന്‍മാരെ സ്വീകരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss