|    Mar 24 Fri, 2017 1:46 pm
FLASH NEWS

മൂണിന്റെ ഇസ്രായേല്‍ വിമര്‍ശനത്തിനെതിരേ ബെഞ്ചമിന്‍ നെതന്യാഹു

Published : 28th January 2016 | Posted By: SMR

ന്യൂയോര്‍ക്ക്: ഇസ്രായേല്‍ അധിനിവേശവും കുടിയേറ്റവുമാണ് ഫലസ്തീനികളുമായി സമാധാനം സ്ഥാപിക്കുന്നതിന് പ്രധാന തടസ്സമെന്ന ബാന്‍ കി മൂണിന്റെ പ്രസ്താവനയ്‌ക്കെതിരേ ഇസ്രായേല്‍ പ്രധാനമന്ത്രി നെതന്യാഹു. ബാന്‍ കി മൂണിന്റെ പ്രസ്താവന ഭീകരതയ്ക്കു നല്‍കുന്ന പിന്തുണയാണെന്ന് നെതന്യാഹുവിന്റെ ഓഫിസ് പുറത്തുവിട്ട പ്രസ്താവന ആരോപിച്ചു.
ഏറെക്കാലമായി യുഎന്നിന് അതിന്റെ നിഷ്പക്ഷതയും ധാര്‍മിക ഗുണവും നഷ്ടപ്പെട്ടിരിക്കുകയാണെന്നും ജനറല്‍ സെക്രട്ടറിയുടെ പ്രസ്താവന അതിന്റെ അവസ്ഥയെ മെച്ചപ്പെടുത്തുകയില്ലെന്നും നെതന്യാഹു പറഞ്ഞു. സുരക്ഷാ നടപടി ക്രമങ്ങള്‍ കൊണ്ടു മാത്രം അധിനിവിഷ്ട ഫലസ്തീന്‍ മണ്ണിലെ അക്രമങ്ങള്‍ അവസാനിപ്പിക്കാനാവില്ല. കാരണം, ചില ഫലസ്തീനികളില്‍, പ്രത്യേകിച്ചും യുവാക്കളില്‍ ആഴ്ന്നിറങ്ങിയിരിക്കുന്ന അന്യതാബോധത്തെയും നിരാശയെയും അതു ചികില്‍സിക്കുന്നില്ല. അധിനിവേശത്തിന്റെ അര നൂറ്റാണ്ട് ഫലസ്തീനികളുടെ നിരാശ വര്‍ധിപ്പിക്കുകയാണ് ചെയ്തത് എന്നായിരുന്നു മൂണിന്റെ പ്രസ്താവന.
അതേസമയം യുഎന്നിലെ ഇസ്രായേല്‍ പ്രതിനിധി ഡാനി ഡനോണും രക്ഷാസമിതിക്കെതിരേ ആരോപണം ഉയര്‍ത്തി. ഇസ്രായേല്‍ സിവിലിയന്‍മാരുടെ ഒരു കൊലപാതകത്തെ പോലും രക്ഷാസമിതി അപലപിക്കുകയോ അതില്‍ ഇസ്രായേലിനോട് ഐക്യദാര്‍ഢ്യം പ്രഖ്യാപിക്കുകയോ ചെയ്തിട്ടില്ല- അദ്ദേഹം പറഞ്ഞു.

(Visited 63 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക