|    May 24 Thu, 2018 1:45 pm
FLASH NEWS
Home   >  Kerala   >  

മുസ്‌ലിം ഏകോപന സമിതിയുടെ ഹൈക്കോടതി മാര്‍ച്ച്: 3 പേര്‍ കൂടി അറസ്റ്റില്‍

Published : 4th June 2017 | Posted By: shins

കൊച്ചി: മുസ്‌ലിം ഏകോപന സമിതിയുടെ നേതൃത്വത്തില്‍ ഹൈക്കോടതിയിലേക്ക് മാര്‍ച്ച് നടത്തിയതുമായി ബന്ധപ്പെട്ട് മൂന്ന് പേരെ കൂടി പോലിസ് അറസ്റ്റ് ചെയ്തു. അബ്ദുല്‍ നാസര്‍ ബാഖവി (40 ), ഷിഹാബുദ്ധീന്‍ (48), മുഹമ്മദ് ഇബ്രാഹിം (37) എന്നിവരെയാണ് എറണാകുളം സെന്‍ട്രല്‍ പോലിസ് അറസ്റ്റ് ചെയ്തത്. സ്വന്തം ഇഷ്ടപ്രകാരം ഇസ്‌ലാം മതം സ്വീകരിക്കുകയും വിവാഹം കഴിക്കുകയും ചെയ്ത ഡോ.ഹാദിയയുടെ വിവാഹം അസ്ഥിരപ്പെടുത്തിയ ഹൈക്കോടതി നടപടി പുനപ്പരിശോധിക്കണമെന്നും ഹാദിയയുടെ ജീവന്‍ സംരക്ഷിക്കണമെന്നും വിധി പ്രസ്താവം നടത്തിയ ജഡ്ജിമാരെ ഇംപീച്ച് ചെയ്യണമെന്നും ആവശ്യപ്പെട്ടായിരുന്നു മാര്‍ച്ച്. ജഡ്ജിമാരെ ഭീഷണിപ്പെടുത്തല്‍, പോലിസിന്റെ കൃത്യനിര്‍വ്വഹണം തടസ്സപ്പെടുത്തല്‍, അനുമതിയില്ലാതെ ജാഥ നടത്തല്‍, പോലിസിനെ അക്രമിക്കല്‍ എന്നിവ ഉള്‍പ്പെടെയുള്ള കുറ്റം ചുമത്തിയാണ് അറസ്റ്റ്. ഈ കേസുമായി ബന്ധപ്പെട്ട് ഏഴു പേരെ പോലിസ് അറസ്റ്റ് ചെയ്തിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss