|    May 27 Sat, 2017 9:56 am
FLASH NEWS

മുസ്‌ലിം ആരാധനാലയത്തില്‍ ജൂതന്മാരുടെ അധിനിവേശം; സൈന്യത്തിന്റെ അകമ്പടിയോടെയായിരുന്നു അതിക്രമം

Published : 5th June 2016 | Posted By: SMR

വെസ്റ്റ്ബാങ്ക്: വെസ്റ്റ്ബാങ്കിലെ നബ്‌ലസിലെ സുപ്രധാന മുസ്‌ലിം ആരാധനാലയത്തില്‍ ആയിരക്കണക്കിന് ജൂത തീവ്രവാദികള്‍ ഇരച്ചുകയറി. ഇസ്രായേല്‍ സൈന്യത്തിന്റെ അകമ്പടിയോടെയായിരുന്നു അതിക്രമം. തുടര്‍ന്ന് പ്രദേശവാസികളായ ഫലസ്തീനികളും ജൂതസംഘവും തമ്മില്‍ സംഘര്‍ഷമുണ്ടായി.
3000ത്തോളം ജൂത തീവ്രവാദികളാണ് ഇവിടേക്ക് ഇരച്ചുകയറി തല്‍മൂദ് അടിസ്ഥാനമാക്കിയുള്ള ആരാധന നടത്തിയതെന്ന് അനദൊലു വാര്‍ത്താ ഏജന്‍സി റിപോര്‍ട്ട് ചെയ്തു. ഇസ്രായേല്‍ പാര്‍ലമെന്റായ നെസെറ്റിലെ അംഗങ്ങളും സംഘത്തിലുണ്ടായിരുന്നു. പ്രദേശത്ത് പ്രതിഷേധവുമായെത്തിയ ഫലസ്തീനികളെ പിരച്ചുവിടാന്‍ സൈന്യം കണ്ണീര്‍വാതകവും റബര്‍ബുള്ളറ്റും പ്രയോഗിച്ചു.
ജോസഫിന്റെ ശവകുടീരമെന്ന് ഇസ്രായേലികള്‍ വിശ്വസിക്കുന്ന ഇവിടെ സംഘര്‍ഷം പതിവാണ്. അതേസമയം, രണ്ടു നൂറ്റാണ്ടുമുമ്പ് മരിച്ച ശെയ്ഖ് യൂസൂഫ് ദാവിഖതിന്റെ കല്ലറയാണിതെന്നാണ് മുസ്‌ലിംകള്‍ വിശ്വസിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day