|    May 24 Wed, 2017 9:55 am
FLASH NEWS

മുസ്‌ലിംലീഗിലെ വിഭാഗീയത; പ്രശ്‌നം പരിഹരിക്കാന്‍ സംസ്ഥാന നേതാക്കള്‍ ജില്ലയില്‍

Published : 23rd April 2016 | Posted By: SMR

കാസര്‍കോട്: നിയമസഭാ തിരഞ്ഞെടുപ്പിലെ സ്ഥാനാര്‍ഥി നിര്‍ണയത്തെ ചൊല്ലി മുസ്‌ലിംലീഗില്‍ ഉടലെടുത്ത വിഭാഗീയതക്ക് പരിഹാരം കാണാന്‍ പാര്‍ട്ടി നേതാക്കളെത്തി. നേരത്തെ തന്നെ സ്ഥാനാര്‍ഥികളെ പ്രഖ്യാപിച്ചിരുന്നെങ്കിലും പ്രവര്‍ത്തന രംഗത്ത് പാര്‍ട്ടി ഇപ്പോഴും പിറകിലാണ്. ഈ സാഹചര്യത്തിലാണ് ദേശീയ സെക്രട്ടറി ഇ ടി മുഹമ്മദ് ബഷീര്‍ എംപി, സംസ്ഥാന ജനറല്‍ സെക്രട്ടറി കെ പി എ മജീദ്, അബ്ദുര്‍റഹ്മാന്‍ കല്ലായി തുടങ്ങിയ നേതാക്കള്‍ കാസര്‍കോട്, മഞ്ചേശ്വരം മണ്ഡലങ്ങളില്‍ ഇന്നലെ എത്തിയത്. സ്ഥാനാര്‍ഥി നിര്‍ണയവുമായി ബന്ധപ്പെട്ട് നേതാക്കളില്‍ ഒരു വിഭാഗം പ്രവര്‍ത്തന രംഗത്ത് സജീവമാകാത്തത് സംസ്ഥാന നേതൃത്വം ഗൗരവമായി എടുത്തിട്ടുണ്ട്. ഇന്നലെ കാസര്‍കോട്ടെത്തിയ ഇ ടി ബഷീറും കെ പി എ മജീദും കാസര്‍കോട്, മഞ്ചേശ്വരം മണ്ഡലം നേതാക്കളുമായി ചര്‍ച്ച നടത്തി. ജില്ലാ നേതാക്കളും സംബന്ധിച്ചു. കാസര്‍കോട് സിറ്റി ടവര്‍ ഓഡിറ്റോറിയത്തില്‍ നടന്ന കാസര്‍കോട് മണ്ഡലം, പഞ്ചായത്ത്, മുനിസിപ്പല്‍ നേതാക്കളുടെ യോഗത്തില്‍ സംബന്ധിച്ചു. സ്ഥാനാര്‍ഥി എന്‍ എ നെല്ലിക്കുന്ന്, ജില്ലാ ലീഗ് പ്രസിഡന്റ് ചെര്‍ക്കളം അബ്ദുല്ല, ജനറല്‍ സെക്രട്ടറി എം സി ഖമറുദ്ദീന്‍, സംസ്ഥാന വൈസ് പ്രസിഡന്റ് സി ടി അഹമ്മദലി, ജില്ലാ ഖജാഞ്ചി എ അബ്ദുര്‍റഹ്മാന്‍, എല്‍ എ മഹമൂദ് ഹാജി, എ എ ജലീല്‍, ഹാഷിം കടവത്ത്, എ എം കടവത്ത്, ടി ഇ അബ്ദുല്ല തുടങ്ങിയവര്‍ സംബന്ധിച്ചു. സ്ഥാനാര്‍ഥിയുടെ വിജയത്തിന് രംഗത്തിറങ്ങാന്‍ നേതാക്കള്‍ നിര്‍ദ്ദേശം നല്‍കി.
ഉപ്പളയില്‍ നടന്ന മഞ്ചേശ്വരം മണ്ഡലം ലീഗ് ഭാരവാഹികളുടെ യോഗത്തിലും സംബന്ധിച്ചു. സ്ഥാനാര്‍ഥി പി ബി അബ്ദുര്‍റസാഖ് എംഎല്‍എ, ടി എ മൂസ, എ കെ എം അഷറഫ്, എം അബ്ബാസ് തുടങ്ങിയവര്‍ സംബന്ധിച്ചു. പാര്‍ട്ടി സ്ഥാനാര്‍ഥികളുടെ വിജയം ഉറപ്പുവരുത്തിയില്ലെങ്കില്‍ നടപടി സ്വീകരിക്കുമെന്ന് നേതാക്കള്‍ മുന്നറിയിപ്പ് നല്‍കിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day