|    Sep 23 Sat, 2017 10:06 pm
FLASH NEWS
Home   >  Todays Paper  >  page 9  >  

മുസ്‌ലിംകളെ നാടുകടത്തിയ സോവിയറ്റ് നടപടി വംശഹത്യ: ഉക്രെയ്ന്‍

Published : 14th November 2015 | Posted By: SMR

കിയേവ്: രണ്ടാംലോകയുദ്ധ സമയത്ത് ക്രൈമിയയിലെ മുസ്‌ലിം ന്യൂനപക്ഷമായ താര്‍ത്താരികളെ നാടുകടത്തിയ സംഭവം വംശഹത്യയെന്ന നിലയില്‍ പരിഗണിക്കുന്ന ബില്ലിന് ഉക്രെയ്ന്‍ പാര്‍ലമെന്റ് അംഗീകാരം നല്‍കി. നാത്‌സി ജര്‍മനിയുടെ സൈനിക മുന്നേറ്റത്തിനു സഹായിച്ചുവെന്നാരോപിച്ച് 1944ല്‍ ആണ് സോവിയറ്റ് ഏകാധിപതിയായിരുന്ന ജോസഫ് സ്റ്റാലിന്‍ 1,80,000ഓളം താര്‍ത്താരികളെ സോവിയറ്റ് സെന്‍ട്രല്‍ ഏഷ്യയിലേക്കു നാടുകടത്താന്‍ ഉത്തരവിട്ടത്.
ലക്ഷ്യസ്ഥാനത്തെത്തും മുമ്പെ നാടുകടത്തിയവരില്‍ പകുതിയോളം പേരും കടുത്ത പട്ടിണിയും രോഗങ്ങളും കാരണം മരണത്തിനു കീഴടങ്ങിയിരുന്നു. 1980കള്‍ക്കു ശേഷം മാത്രമാണ് താര്‍ത്താരികളെ സ്വന്തം മണ്ണിലേക്കു തിരിച്ചുവരാന്‍ അനുവദിച്ചത്. തിരിച്ചുവന്ന താര്‍ത്താരികള്‍ക്ക് യാതൊരുവിധ നഷ്ടപരിഹാരവും ഭരണകൂടം നല്‍കിയിരുന്നില്ല. ഇവരുടെ പുനരധിവാസത്തിനെതിരേ റഷ്യന്‍ വംശജരും ഉക്രെയ്‌നികളും കലാപം നടത്തുകയും തുടര്‍ന്നു താര്‍ത്താരികള്‍ ക്രൈമിയന്‍ ഉപദ്വീപിലേക്കു ചേക്കേറുകയുമായിരുന്നു. 2014ല്‍ താര്‍ത്താരികളുടെ എതിര്‍പ്പ് അവഗണിച്ച് റഷ്യന്‍ ഭരണകൂടം ക്രൈമിയയെ റഷ്യയോടു കൂട്ടിച്ചേര്‍ത്തിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക