|    May 22 Tue, 2018 8:06 am

മുസ്ലിംകളെ ഉപദേശിക്കുന്നതിന് മുമ്പ് ആര്‍എസ്എസ് ഭഗവത്ഗീത പഠിക്കണം : എന്‍എംസി

Published : 8th June 2017 | Posted By: fsq

 

കൊല്ലം : ഹിന്ദുസമുദായത്തിന്റെ സുപ്രധാന വേദഗ്രന്ഥമായ ഭഗവത്ഗീതയും രാമായണവും മനസിരുത്തി വായിക്കാനും പഠിക്കാനും തയ്യാറായിരുന്നെങ്കില്‍ ആര്‍എസ്എസ് നേതാവ് ഇന്ദ്രേഷ്‌കുമാറിന് മാംസാഹാരത്തെക്കുറിച്ച് മുസ്്‌ലിം സമുദായത്തോട് ഉപദേശിക്കാന്‍ ബൗദ്ധികതലം അദ്ദേഹത്തെ അനുവദിക്കില്ലായിരുന്നുവെന്ന് നാഷനല്‍ മുസ്്‌ലിം കൗണ്‍സില്‍ സംസ്ഥാന പ്രസിഡന്റ് എ റഹിംകുട്ടി അഭിപ്രായപ്പെട്ടു. വാത്മീകി രാമായണത്തില്‍ നിരവധി സന്ദര്‍ഭങ്ങളില്‍ ശ്രീരാമന്‍ ഉള്‍പ്പെടെ മാംസാഹാരം ഭക്ഷിച്ചിരുന്നതായി വ്യക്തമായി പറഞ്ഞിട്ടുണ്ട്. മാത്രമല്ല രുചികരമായ ഏത് ആഹാരവും മിതമായും ഉചിതമായും കഴിക്കാമെന്ന കാര്യം ഭഗവത്ഗീതയിലും പറഞ്ഞിട്ടുണ്ട്. ഇതൊന്നും മനസ്സിലാക്കാതെയാണ് ആര്‍എസ്എസ്സിന്റെ ഉപദേശം. മാംസാഹാരം കഴിക്കുന്നവരെ ആര്‍എസ്എസില്‍ വേണ്ടെന്നും അവരെ പുറത്താക്കുമെന്നുള്ള കര്‍ശനവും പരസ്യവുമായ നിലപാട് സ്വീകരിക്കാന്‍ ഇന്ദ്രേഷ്‌കുമാര്‍ തയ്യാറുണ്ടോയെന്ന് വ്യക്തമാക്കണമെന്നും അദ്ദേഹം പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss