|    Jan 23 Mon, 2017 6:30 pm
FLASH NEWS

മുളവൂര്‍ മണ്ഡലത്തില്‍ എ ഗ്രൂപ്പിന്റെ രഹസ്യയോഗം

Published : 3rd April 2016 | Posted By: SMR

മൂവാറ്റുപുഴ: കമ്മിറ്റിയില്‍ കണക്ക് അവതരിപ്പിക്കാത്തതിനെച്ചൊല്ലി മുളവൂര്‍ മണ്ഡലത്തില്‍ എ ഗ്രൂപ്പിന്റെ രഹസ്യയോഗം. തദ്ദേശസ്വയംഭരണ തിരഞ്ഞെടുപ്പില്‍ ലഭിച്ച ഫണ്ടിന്റെ കണക്ക് കമ്മിറ്റിയില്‍ വയ്ക്കാത്തതിനെച്ചൊല്ലി എ-ഐ ഗ്രൂപ്പുകള്‍ തര്‍ക്കം രൂക്ഷമായിരുന്നു. ഐ ഗ്രൂപ്പുകാരനായ ജോസഫ് വാഴയ്ക്കന്‍ വീണ്ടും മല്‍സരിക്കുന്ന സാഹചര്യത്തിലാണ് എ വിഭാഗം സമ്മര്‍ദ്ദ തന്ത്രവുമായി ഗ്രൂപ്പുയോഗം വിളിച്ചുചേര്‍ത്തത്. നഗരത്തിലെ കവിതാ ടൂറിസ്റ്റ് ഹോമില്‍ വെള്ളിയാഴ്ച വൈകീട്ടാണ് എ ഗ്രൂപ്പുകാര്‍ സംഘടിച്ചത്. കെപിസിസി എക്‌സിക്യൂട്ടീവ് അംഗം എ മുഹമ്മദ് ബഷീര്‍ ദേശീയ കര്‍ഷക തൊഴിലാളി യൂനിയന്‍ സംസ്ഥാന പ്രസിഡന്റ് ജോയി മാളിയേക്കല്‍, മുന്‍ ഡിസിസി സെക്രട്ടറി കെ എം സലീം തുടങ്ങിയവരാണ് പങ്കെടുത്തത്. കഴിഞ്ഞ തദ്ദേശസ്വയംഭരണ തിരഞ്ഞെടുപ്പില്‍ ജില്ലാ പഞ്ചായത്തിലേക്ക് മല്‍സരിച്ച എ ഗ്രൂപ്പിലെ പ്രധാനിയായ കെ എം സലീമിനെ ഒരു വിഭാഗം കാലുവാരി തോല്‍പിച്ചതായി ആരോപണമുയര്‍ന്നു.
ബൂത്തുകളിലേക്കെന്ന പേരില്‍ കെ എം സലീമില്‍നിന്ന് വന്‍തുക ഐ വിഭാഗം മണ്ഡലം ഭാരവാഹികള്‍ വാങ്ങിയെങ്കിലും അത് നല്‍കിയില്ലെന്നാണ് പരാതി. ഒരു ബൂത്തിലേക്ക് അയ്യായിരം രൂപയെന്ന കണക്കില്‍ പന്ത്രണ്ട് ബൂത്തിലേക്ക് പണം നല്‍കിയെന്നാണ് സലിം വ്യക്തമാക്കിയത്. എന്നാല്‍ പണം മണ്ഡലം പ്രസിഡന്റ് ഉള്‍പ്പെടെയുള്ള ഐ വിഭാഗം വീതംവച്ചെടുത്തതായാണ് എ വിഭാഗത്തിന്റെ ആരോപണം. സ്ഥാനാര്‍ഥിയില്‍നിന്ന് വാങ്ങിയ പണം ബൂത്തുകളിലേക്ക് നല്‍കാത്തത് എ വിഭാഗം മണ്ഡലം കമ്മിറ്റിയോഗത്തില്‍ ചോദ്യം ചെയ്തു. എന്നാല്‍ കണക്ക് വയ്ക്കാന്‍ നേതൃത്വം തയ്യാറായിട്ടില്ലത്രെ. എംഎല്‍എ ജോസഫ് വാഴയ്ക്കനെയും എ വിഭാഗം പ്രശ്‌നം ധരിപ്പിച്ചെങ്കിലും ജോസഫ് വാഴയ്ക്കന്‍ വീണ്ടും മല്‍സരിക്കുന്ന സാഹചര്യത്തില്‍ ഐ വിഭാഗത്തിനെതിരേ എ വിഭാഗം രംഗത്തെത്തിയത്. കാലുവാരലിന് പിന്നില്‍ പ്രവര്‍ത്തിച്ചവര്‍ പണത്തിന്റെ കണക്ക് നല്‍കിയില്ലെങ്കില്‍ തിരഞ്ഞെടുപ്പില്‍ കടുത്ത നിലപാട് സ്വീകരിക്കണമെന്നും യോഗത്തില്‍ ആവശ്യമുയര്‍ന്നു.

Share on FacebookShare on Google+Tweet about this on TwitterShare on LinkedIn
(Visited 62 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക