|    May 29 Mon, 2017 1:27 pm
FLASH NEWS

മുലായത്തിനെതിരേ കേസെടുക്കണമെന്ന ഹരജി തള്ളി

Published : 11th May 2016 | Posted By: SMR

ലഖ്‌നോ: അയോധ്യയില്‍ കര്‍സേവകരെ വെടിവയ്ക്കാന്‍ താന്‍ ഉത്തരവിട്ടുവെന്നു സമ്മതിച്ച എസ്പി നേതാവ് മുലായംസിങ് യാദവിനെതിരേ കേസെടുക്കാന്‍ പോലിസിന് നിര്‍ദേശം നല്‍കണമെന്നാവശ്യപ്പെട്ടു സമര്‍പ്പിച്ച ഹരജി അലഹാബാദ് ഹൈക്കോടതി തള്ളി. ജസ്റ്റിസ് സുധീര്‍കുമാര്‍ സക്‌സേനയുടെ ബെഞ്ചാണ് ഹരജി തള്ളിയത്.
റാണാ സംഗ്രാം സിങാണ് മുലായത്തിനെതിരേ നടപടിയാവശ്യപ്പെട്ട് കോടതിയെ സമീപിച്ചത്. 1990ല്‍ യുപി മുഖ്യമന്ത്രിയായിരിക്കെ കര്‍സേവകരെ വെടിവയ്ക്കാന്‍ താന്‍ ഉത്തരവിട്ടുവെന്ന് മുലായം സമ്മതിച്ചുവെന്നാണ് പരാതിക്കാരന്‍ ചൂണ്ടിക്കാട്ടിയത്. സംഭവം സര്‍ക്കാര്‍ നടപടിയായിരുന്നുവെന്ന് സംസ്ഥാന സര്‍ക്കാരിനുവേണ്ടി ഹാജരായ റിഷാദ് മുര്‍താസ പറഞ്ഞു.
ഏതെങ്കിലും വിഭാഗത്തെ പ്രീണിപ്പിക്കാന്‍ വേണ്ടി പറഞ്ഞതാണെങ്കില്‍ പോലും മുലായം ക്രിമിനല്‍ കുറ്റമൊന്നും ചെയ്തിട്ടില്ലെന്ന് കോടതി നിരീക്ഷിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day