|    Mar 29 Wed, 2017 1:26 am
FLASH NEWS

മുന്‍ ബാഴ്‌സലോണ അസിസ്റ്റന്റ് കോച്ച് വാന്‍ഡര്‍ലെം ബ്ലാസ്‌റ്റേഴ്‌സ് പരിശീലകനായേക്കും

Published : 1st November 2015 | Posted By: SMR

കൊച്ചി: കേരള ബ്ലാസ്‌റ്റേഴ്‌സിന്റെ പുതിയ കോച്ചായി സ്പാനിഷ് ഗ്ലാമര്‍ ടീമായ ബാഴ്‌സലോണയുടെ മുന്‍ അസിസ്റ്റന്റ് കോച്ച് ജെറാര്‍ഡ് വാന്‍ഡര്‍ലെം വന്നേക്കുമെന്ന് റിപോര്‍ട്ട്. പരിശീലകനാവുന്നതു സംബന്ധിച്ച് ബ്ലാസ്റ്റേഴ്‌സ് അദ്ദേഹവുമായി ചര്‍ച്ച നടത്തിയതായും സൂചനയുണ്ട്.. കഴഞ്ഞ ദിവസം സ്ഥാനമൊഴിഞ്ഞ പീറ്റര്‍ ടെയ്‌ലര്‍ക്കു പകരമാണ് വാന്‍ഡെര്‍ലെമിനെ ബ്ലാസ്റ്റേഴ്‌സ് കണ്ടുവച്ചിരിക്കുന്നത്.
ടെയ്‌ലര്‍ രാജിവച്ച ശേഷം അസിസ്റ്റന്റ് കോച്ചായ ട്രെവര്‍ മോര്‍ഗന് താല്‍ക്കാലിക ചുമതല നല്‍കിയിരുന്നു. എന്നാല്‍ ഹോളണ്ടുകാരനായ വാന്‍ഡെര്‍ലെമിനെ പരിശീലകസ്ഥാനത്തു കൊണ്ടുവരാനാണ് ബ്ലാസ്റ്റേഴ്‌സ് ടീമുടമകള്‍ ആഗ്രഹിക്കുന്നത്.
ലൂയിസ് വാന്‍ഗാല്‍, ഡിക് അഡ്വക്കാറ്റ് തുടങ്ങി യൂറോപ്യന്‍ ഫുട്‌ബോളിലെ പ്രഗല്‍ഭ കോച്ചുമാര്‍ക്കു കീഴില്‍ പ്രവര്‍ത്തിച്ചിട്ടുള്ള വാന്‍ഡെര്‍ലെം സൗദി അറേബ്യയുടെ ദേശീയ ടീമിനെയും പരിശീലിപ്പിച്ചിട്ടു ണ്ട്. നിലവില്‍ തുര്‍ക്കി ക്ലബ്ബായ കെയ്‌സറിസ്പറിന്റെ ടെക്‌നിക്കല്‍ ഡയറക്ടറാണ് അദ്ദേഹം.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day