|    Apr 27 Fri, 2018 12:34 am
FLASH NEWS
Home   >  Todays Paper  >  page 9  >  

മുന്‍ ഫ്രഞ്ച് പ്രസിഡന്റ് നിക്കോളാസ് സര്‍കോസി കസ്റ്റഡിയില്‍

Published : 21st March 2018 | Posted By: kasim kzm

പാരിസ്: തിരഞ്ഞെടുപ്പ് പ്രചാരണത്തിന് നിയമവിരുദ്ധമായി ഫണ്ട് ശേഖരിച്ചു എന്ന കേസില്‍ മുന്‍ ഫ്രഞ്ച് പ്രസിഡന്റ് നിക്കോളാസ് സര്‍കോസിയെ പോലിസ് കസ്റ്റഡിയിലെടുത്തു ചോദ്യം ചെയ്തു. ലിബിയയിലെ  മുന്‍ ഭരണാധികാരി മുഅമ്മര്‍ ഗദ്ദാഫിയില്‍ നിന്ന് അനധികൃതമായി ഫണ്ട് ശേഖരിച്ചുവെന്നാണ് ആരോപണം. പാരിസിലെ നാന്റര്‍ പോലിസ് സ്‌റ്റേഷനിലാണ് ഇന്നലെ രാവിലെ സര്‍കോസിയെ ചോദ്യം ചെയ്തത്.
2007ല്‍ ഫ്രഞ്ച് തിരഞ്ഞെടുപ്പു വിജയത്തിന് ഗദ്ദാഫിയും മറ്റു ലിബിയന്‍ ശക്തികളും പണം ചെലവഴിച്ചു എന്നാണ് ആരോപണം. 2007 മുതല്‍ 2012 വരെ ഫ്രഞ്ച് പ്രസിഡന്റായിരുന്നു സര്‍കോസി.
ഫ്രാന്‍സില്‍ സമീപകാലത്ത് ഏറെ കോളിളക്കം സൃഷ്ടിച്ച കേസാണിത്. 2013ല്‍ തന്നെ കേസില്‍ അന്വേഷണം ആരംഭിച്ചിരുന്നെങ്കിലും ആദ്യമായാണ് സര്‍കോസിയെ ചോദ്യം ചെയ്യുന്നത്.
തിരഞ്ഞെടുപ്പ് പ്രചാരണത്തിനായി ഗദ്ദാഫിയില്‍ നിന്ന് 50 ദശലക്ഷം യൂറോ കൈപ്പറ്റിയെന്നാണ് ആരോപണം. നിയമപരമായി പ്രചാരണത്തിന് ഉപയോഗിക്കാവുന്നതിന്റെ ഇരട്ടിയിലധികമായിരുന്നു ഇത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss