|    Jan 25 Wed, 2017 7:02 am
FLASH NEWS

മുന്‍ എംപി വക്കച്ചന്‍ മറ്റത്തിലും മുന്‍ എംഎല്‍എ പി സി ജോസഫും രാജിവച്ചു

Published : 6th March 2016 | Posted By: SMR

കോട്ടയം: കേരളാ കോണ്‍ഗ്രസ് എമ്മില്‍ നിന്ന് മുന്‍ എംപി വക്കച്ചന്‍ മറ്റത്തിലും മുന്‍ എംഎല്‍എ പി സി ജോസഫും രാജിവച്ചു. പാര്‍ട്ടിയില്‍ നിന്നു രാജിവച്ച് ഫ്രാന്‍സിസ് ജോര്‍ജിനൊപ്പം ചേര്‍ന്ന് പ്രവര്‍ത്തിക്കാനാണു തീരുമാനിച്ചിരിക്കുന്നതെന്നും ഇരുവരും കോട്ടയത്ത് മാധ്യമപ്രവര്‍ത്തകരോടു പറഞ്ഞു. കെ എം മാണിയെ നയിക്കുന്നത് ഉപജാപകസംഘമാണെന്നും ഇനി പാര്‍ട്ടിയില്‍ തുടരില്ലെന്നും വക്കച്ചന്‍ മറ്റത്തില്‍ പറഞ്ഞു.
മുമ്പ് പി ജെ ജോസഫിന്റെ നേതൃത്വത്തില്‍ കേരളാ കോണ്‍ഗ്രസ്(ജെ) ഇടതുമുന്നണിയില്‍ ഉണ്ടായിരുന്ന സമയത്ത് വക്കച്ചന്‍ മറ്റത്തില്‍ രാജ്യസഭാ എംപിയായിരുന്നു. കേരളാ കോണ്‍ഗ്രസ് (എം) സംസ്ഥാന സെക്രട്ടേറിയറ്റ് അംഗം ജോസ് കൊച്ചുപുരയും പദവികള്‍ രാജിവച്ചിട്ടുണ്ട്. യൂത്ത് ഫ്രണ്ടിന്റെ സംഘടനാ ചുമതലയുള്ള സംസ്ഥാന ജനറല്‍ സെക്രട്ടറി മൈക്കിള്‍ ജെയിംസിന്റെ നേതൃത്വത്തില്‍ യോഗം ചേര്‍ന്ന് ഫ്രാന്‍സിസ് ജോര്‍ജിന് പിന്തുണ അറിയിച്ചിട്ടുണ്ട്.
കേരളാ കോണ്‍ഗ്രസ് എമ്മിന്റെ സംസ്ഥാന സെക്രട്ടറിമാരും യൂത്ത് ഫ്രണ്ട് നേതാക്കന്‍മാരും ഫ്രാന്‍സിസ് ജോര്‍ജിനൊപ്പം ചേര്‍ന്നു പ്രവര്‍ത്തിക്കാന്‍ തീരുമാനിച്ചിട്ടുണ്ട്. യൂത്ത് ഫ്രണ്ടിന്റെ പ്രവര്‍ത്തകര്‍ ഇന്നലെ കോട്ടയം ടിബിയില്‍ ഫ്രാന്‍സിസ് ജോര്‍ജുമായി ചര്‍ച്ചനടത്തി. യുവജന വിഭാഗമായ യൂത്ത് ഫ്രണ്ടിലെയും വിദ്യാര്‍ഥി സംഘടനയായ കെഎസ്‌സിയിലെയും ചില നേതാക്കള്‍ ഫ്രാന്‍സിസ് ജോര്‍ജിനു പിന്തുണ പ്രഖ്യാപിച്ചിട്ടുണ്ട്. വരുംദിവസങ്ങളില്‍ പാലാ, കാഞ്ഞിരപ്പള്ളി മേഖലയില്‍ നിന്ന് കൂടുതല്‍ പേര്‍ ഫ്രാന്‍സിസ് ജോര്‍ജിനൊപ്പം ചേരുമെന്നും വാര്‍ത്തകളുണ്ട്. എന്നാല്‍, വക്കച്ചന്‍ മറ്റത്തില്‍ പാര്‍ട്ടിയില്‍ സജീവമായിരുന്നില്ലെന്നാണ് മാണി വിഭാഗത്തിന്റെ പ്രതികരണം.

Share on FacebookShare on Google+Tweet about this on TwitterShare on LinkedIn
(Visited 38 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക