|    Nov 18 Sun, 2018 10:02 pm
FLASH NEWS
Home   >  Todays Paper  >  page 7  >  

മുന്‍കൂര്‍ ജാമ്യാപേക്ഷ നാളെ പരിഗണിക്കുംസഭയിലെ പീഡനം: വൈദികരുടെ അറസ്റ്റ് താല്‍ക്കാലികമായി തടഞ്ഞു

Published : 18th July 2018 | Posted By: kasim kzm

ന്യൂഡല്‍ഹി: കുമ്പസാരരഹസ്യം വെളിപ്പെടുത്തുമെന്നു ഭീഷണിപ്പെടുത്തി വീട്ടമ്മയെ ലൈംഗികമായി പീഡിപ്പിച്ചെന്ന കേസില്‍ പ്രതികളായ വൈദികരുടെ അറസ്റ്റ് സുപ്രിംകോടതി താല്‍ക്കാലികമായി തടഞ്ഞു. നാളെ ഇവരുടെ മുന്‍കൂര്‍ ജാമ്യാപേക്ഷ പരിഗണിക്കുന്നത് വരെയാണ് അറസ്റ്റ് തടഞ്ഞത്. ഒന്നാം പ്രതിയായ ഓര്‍ത്തഡോക്‌സ് വൈദികന്‍ ഫാ. സോണി വര്‍ഗീസ്, മൂന്നാംപ്രതി ജെയ്‌സ് കെ ജോര്‍ജ് എന്നിവരാണ് സുപ്രിംകോടതിയില്‍ മുന്‍കൂര്‍ ജാമ്യാപേക്ഷ സമര്‍പ്പിച്ചത്.
ഹരജി കോടതി ഇന്നലെ പരിഗണിക്കുമെന്ന് തീരുമാനിച്ചെങ്കിലും പിന്നീട് നാളത്തേക്കു പരിഗണിക്കാന്‍ മാറ്റുകയായിരുന്നു. പോലിസ് ഏതുനിമിഷവും അറസ്റ്റ് ചെയ്യാന്‍ സാധ്യതയുണ്ടെന്നും ഈ സാഹചര്യത്തില്‍ മുന്‍കൂര്‍ ജാമ്യ ഹരജിയില്‍ എത്രയും വേഗം തീരുമാനമെടുക്കണമെന്നുമായിരുന്നു വൈദികരുടെ ആവശ്യം.  ഈ സാഹചര്യത്തില്‍ ഹരജി പരിഗണിച്ച് തീര്‍പ്പാക്കുന്നത് വരെ ഒരു ദിവസത്തേക്ക് അറസ്റ്റ് പാടില്ലെന്ന് സുപ്രിംകോടതി വാക്കാല്‍ നിര്‍ദേശം നല്‍കുകയായിരുന്നു. ഇത് സംസ്ഥാന സര്‍ക്കാരും അംഗീകരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss