|    Jun 24 Sat, 2017 10:46 am
FLASH NEWS

മുനീസ് വധശ്രമം : ബിജെപി പ്രവര്‍ത്തകര്‍ അറസ്റ്റില്‍

Published : 21st April 2017 | Posted By: fsq

 

മയ്യില്‍: കണ്ണാടിപ്പറമ്പ് പുല്ലൂപ്പിയില്‍ യൂത്ത് കോണ്‍ഗ്രസ് മണ്ഡലം ജനറല്‍ സെക്രട്ടറി കെ മുനീസിനെ(26) വെട്ടിപ്പരിക്കേല്‍പ്പിച്ച കേസില്‍ മുന്നു ബിജെപി പ്രവര്‍ത്തകര്‍ അറസ്റ്റില്‍. പുല്ലൂപ്പി സ്വദേശികളായ അസിന്‍, സജിത്ത് എന്നിവരെയും ഒരു പതിനേഴുകാരനെയുമാണ് വളപട്ടണം സിഐ ടി കെ രത്്‌നകുമാര്‍, എസ്‌ഐ പി ബാബു മോന്‍ എന്നിവര്‍ പിടികൂടിയത്. കഴിഞ്ഞ 16ന്്് രാത്രി 10ന് ബസ് ഷെല്‍ട്ടറില്‍ ഇരിക്കുകയായിരുന്ന മുനീസിനെ ഒരുസംഘം വാളുകൊണ്ടും ഇരുമ്പുവടി കൊണ്ടും ആക്രമിക്കുകയായിരുന്നു. കൈകാലുകള്‍ക്ക് ഗുരുതര പരിക്കേറ്റ  മുനീസ് തലശ്ശേരി ഇന്ദിരാഗാന്ധി ആശുപത്രിയില്‍ ചികില്‍സയിലാണ്. അതേസമയം,  പ്രദേശത്തെ ബിജെപി നേതാവിന്റെ വീടാക്രമിച്ച സംഭവത്തില്‍ കണ്ടാലറിയാവുന്ന 10 പേര്‍ക്കെതിരേ മയ്യില്‍ പോലിസ് കേസെടുത്തു. ബിജെപി നാറാത്ത് പഞ്ചായത്ത് ജനറല്‍ സെക്രട്ടറി സുമേഷിന്റെ കണ്ണാടിപ്പറമ്പ് തെരുവിലെ വീട്ടിലാണ് കഴിഞ്ഞ ദിവസം പുലര്‍ച്ചെ ആക്രമണം നടത്തിയത്. വീട്ടുമുറ്റത്ത് നിര്‍ത്തിയിട്ട ഗുഡ്‌സ് ഓട്ടോറിക്ഷ അടിച്ചുതകര്‍ത്ത സംഘം, സമീപത്ത് നിര്‍ത്തിയിട്ട ബൈക്കും തകര്‍ത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക