|    Aug 16 Thu, 2018 11:44 am
Home   >  National   >  

മുതിര്‍ന്ന അഭിനേത്രി റീത്ത ഭാദുരി അന്തരിച്ചു

Published : 17th July 2018 | Posted By: Jasmi JMI


മുബൈ:  പ്രമുഖ ബോളിവുഡ് അഭിനേത്രി റീത്ത ഭാദുരി അന്തരിച്ചു. 62 വയസ്സായിരുന്നു. സിനിമകളിലും സീരിയലുകളിലും നിരവധി വേഷങ്ങളില്‍ ശ്രദ്ധേയമായ താരമായിരുന്നു റീത്ത ഭാദുരി. നിമികി മുഖിയ എന്ന സീരിയലിലെ ഇമാര്‍തി ദേവിയുടെ വേഷമാണ് ഒടുവില്‍ അഭിനയിച്ചുകൊണ്ടിരുന്നത്. നടന്‍ ശിശിര്‍ ശര്‍മ്മയാണ് റീത്ത ഭാദുരിയുടെ മരണം ഫെയ്‌സ്ബുക്കിലൂടെ പുറം ലോകത്തെ അറിയിച്ചത്. അഞ്ച് പതിറ്റാണ്ട് സിനിമാരംഗത്ത് നിറഞ്ഞുനിന്ന സാന്നിധ്യമാണ് റീത്ത ഭാദുരി. കഭി ഹാന്‍ കഭി നാ, ക്യാ കെഹ്, ദില്‍ വില്‍ പ്യാര്‍ വ്യാര്‍ തുടങ്ങിയവ റീത്ത അഭിനയിച്ച ശ്രദ്ധേയ ചിത്രങ്ങളാണ്.മലയാള സിനിമയിലും റീത്ത ഭാദുരി അഭിനയിച്ചിട്ടുണ്ട്. കമല്‍ഹാസന്‍ നായകനായ കന്യാകുമാരിയിലാണ് റീത്ത വേഷമിട്ടത്. എം.ടി. വാസുദേവന്‍ നായര്‍ തിരക്കഥയെഴുതി കെ. എസ്. സേതുമാധവന്റെ സംവിധാനത്തില്‍ 1974ല്‍ പ്രദര്‍ശനത്തിനെത്തിയ ചിത്രമാണ് കന്യാകുമാരി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss