|    Dec 12 Wed, 2018 12:41 pm
FLASH NEWS
Home   >  Todays Paper  >  Page 5  >  

മുതലെടുപ്പ് നടത്തുന്നവര്‍ക്കെതിരേ നടപടി സ്വീകരിക്കണം: ഐഎംഎ

Published : 24th May 2018 | Posted By: kasim kzm

തിരുവനന്തപുരം: നിപാ വൈറസ് ഭീതിയുടെ മറവില്‍ മുതലെടുപ്പ് നടത്തുന്നവര്‍ക്കെതിരേ കര്‍ശന നടപടി സ്വീകരിക്കണമെന്ന് ഐഎംഎ സര്‍ക്കാരിനോട് ആവശ്യപ്പെട്ടു. വൈറസിനെ പ്രതിരോധിക്കാനുള്ള പ്രതിരോധ തുള്ളിമരുന്നുകള്‍ ഉണ്ടെന്ന തരത്തില്‍ പ്രചാരണങ്ങള്‍ നടക്കുകയാണ്. ഇത്തരം പ്രവര്‍ത്തനങ്ങള്‍ പൊതുജനങ്ങളെ വഴിതെറ്റിക്കുക മാത്രമല്ല രോഗം പടരാനും ഇടയാക്കും. അതിനാല്‍ അശാസ്ത്രീയമായ രോഗപ്രതിരോധ തുള്ളിമരുന്നുകളുടെ പ്രചാരണം ഉടന്‍ നിര്‍ത്തിവയ്പിക്കാന്‍ സര്‍ക്കാര്‍ ഇടപെടണം സംസ്ഥാന പ്രസിഡന്റ് ഡോ. ഇ കെ ഉമ്മര്‍, സെക്രട്ടറി ഡോ. എന്‍ സുല്‍ഫി എന്നിവര്‍ മുഖ്യമന്ത്രിക്കയച്ച കത്തില്‍ ആവശ്യപ്പെട്ടു.
അതേസമയം, നിപാ വൈറസ് ബാധിച്ച് മലപ്പുറം ജില്ലയില്‍ മൂന്നുപേര്‍ മരിക്കാനിടയായ സാഹചര്യത്തില്‍ മുന്‍കരുതല്‍ എന്ന നിലയില്‍ അതീവ ജാഗ്രതാ പ്രഖ്യാപിത പഞ്ചായത്തുകളായ മൂര്‍ക്കനാട്, തെന്നല, മൂന്നിയൂര്‍, തേഞ്ഞിപ്പലം എന്നിവിടങ്ങളിലെ അംഗണവാടികള്‍ അടച്ചിടാന്‍ ആരോഗ്യവകുപ്പിന്റെ നിര്‍ദേശം. വൈറസ് ബാധയുടെ വ്യാപനം തടയാന്‍ ലക്ഷ്യമിട്ടാണ് തീരുമാനം. അതേസമയം, മഞ്ചേരി മെഡിക്കല്‍ കോളജില്‍ ചികില്‍സയിലുള്ള ഒരാള്‍ക്ക് കൂടി രോഗം ബാധിച്ചതായി സംശയമുള്ളതായി ആരോഗ്യ വകുപ്പ് അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss