|    Dec 18 Mon, 2017 10:35 am

മുട്ടത്ത് തെരുവുനായയുടെ കടിയേറ്റ് രണ്ടുപേര്‍ ആശുപത്രിയില്‍

Published : 20th October 2016 | Posted By: SMR

തൊടുപുഴ: മുട്ടത്ത് തെരുവുനായയുടെ അക്രമത്തില്‍ രണ്ടുപേര്‍ക്ക് ഗുരുതര പരിക്ക്.മുട്ടം ഇടപ്പള്ളി സ്വദേശി അപ്പോഴത്ത് ജോസ് (55), മുട്ടം കരിക്കോണം ഗോപാലന്‍ (73) എന്നിവര്‍ക്കാണ് തെരുവ് നായയുടെ കടിയേറ്റത്.ജോസിന്റെ മുഖത്തും ഗോപാലന്റെ കൈത്തണ്ടയിലുമാണ് കടിയേറ്റത്.ഗോപാലന് രാത്രിയിലും ജോസിന് പുലര്‍ച്ചെ ഏഴ് മണിയോടെയുമാണ് കടിയേറ്റത്.ഇന്നലെ പുലര്‍ച്ചെ ഏഴ് മണിയോടെ കുരിശ് പള്ളിക്ക് സമീപം കടത്തിണ്ണയില്‍ വിശ്രമിക്കവെ തെരുവ് നായ ജോസിന്റെ മുഖം കടിച്ച് പറിക്കുകയായിരുന്നു. ചുണ്ടിലും കവിളിലും ആഴത്തില്‍ മുറിവേറ്റ ജോസ് മുട്ടം ഗവണ്‍മെന്റ് ആശുപത്രിയില്‍ ചികിത്സ തേടി.മുറിവ് ഗുരുതരമായതിനാല്‍ പേവിഷബാധ തടയുന്നതിനുള്ള ഐഡിആര്‍വി കുത്തിവെപ്പ് നല്‍കിയ ശേഷം വിദഗ്ദ ചികിത്സക്കായി കോട്ടയം മെഡിക്കല്‍ കോളജിലേക്ക് റഫര്‍ ചെയ്തു. തെരുവുനായയുടെ കടിയേറ്റ  ഗോപാലന് തൊടുപുഴ താലൂക്ക് ആശുപത്രി അധികൃതര്‍ ചികിത്സ നിഷേധിച്ചതായി ആരോപണം ഉയര്‍ന്നു. ചൊവ്വാഴ്ച രാത്രി പതിനൊന്നൊടെയാണ് ഗോപാലനു തെരുവുനായയുടെ കടിയേറ്റത്. കൈതണ്ടക്ക് മുറിവേറ്റ ഇദ്ദേഹം രാത്രി തന്നെ ഭാര്യയെയും കൂട്ടി തൊടുപുഴ താലൂക്ക് ആശുപത്രിയില്‍ എത്തി.എന്നാല്‍ ഡോക്ടര്‍ ഇല്ലാത്തതിനാല്‍ ചികിത്സ നല്‍കാന്‍ ബന്ധപ്പെട്ടവര്‍ തയ്യാറായില്ലെന്നാണ് പരാതി.മുറിവില്‍ ഡ്രസ് ചെയ്യുന്നതിനു പോലും ആശു്പത്രി അധികൃതര്‍ തയ്യാറായില്ലെന്ന് ഗോപാലന്‍ പറയുന്നു.രാത്രി മുഴുവന്‍ വേദന സഹിച്ച് ആശുപത്രി വരാന്തയില്‍ കഴിഞ്ഞ ഗോപാലന് ബുധനാഴ്ച രാവിലെ എട്ടോടെ പൊതുപ്രവര്‍ത്തകര്‍ ഇടപെട്ടതിനെ തുടര്‍ന്നാണ് ചികിത്സ നല്‍കാന്‍ അധികൃതര്‍ തയ്യാറായത്. അത്യാഹിത വിഭാഗത്തില്‍ 24 മണിക്കൂറും ഡോക്ടറുടെ സേവനം ലഭ്യമായിരിക്കെ ഡോക്ടറില്ലെന്നു പറഞ്ഞു ചികില്‍സ നിഷേധിക്കുകയാണ് ആശുപത്രി അധികൃതര്‍ ചെയ്തത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss