|    Jan 20 Sat, 2018 10:16 am

മുട്ടത്തറയിലെ മാതൃകാ സൗജന്യ വിദ്യാഭ്യാസ കേന്ദ്രത്തിനും നൂറു ശതമാനം

Published : 28th April 2016 | Posted By: SMR

തിരുവനന്തപുരം: സൗജന്യ വിദ്യാഭ്യാസത്തിലൂടെ അക്ഷരവെളിച്ചം പകരുന്ന മാതൃകാ സൗജന്യ വിദ്യാഭ്യാസകേന്ദ്രത്തിനു വീണ്ടും നൂറുമേനി വിജയം. സൗജന്യ വിദ്യാഭ്യാസരംഗത്ത് സാധാരണക്കാരായ വിദ്യാര്‍ഥികള്‍ക്ക് ആശ്രയമായി മാറിയിരിക്കുകയാണ് മൂന്നു പതിറ്റാണ്ട് പിന്നിടുന്ന മുട്ടത്തറയിലെ ഈ അക്ഷരമുറ്റം. 35ലധികം കുട്ടികള്‍ പരീക്ഷ എഴുതിയതില്‍ ഒരാള്‍ മുഴുവന്‍ വിഷയങ്ങള്‍ക്കും എ പ്ലസോടെയാണ് നൂറുമേനി വിജയം നേടിയത്. മണക്കാട് കാര്‍ത്തിക തിരുനാള്‍ ഗേള്‍സ് ഹയര്‍ സെക്കണ്ടറി സ്‌കൂള്‍ വിദ്യാര്‍ഥിയായ അപര്‍ണയാണ് മുഴുവന്‍ വിഷയങ്ങള്‍ക്കും എ പ്ലസ് നേടി അഭിമാനമായത്. കഴിഞ്ഞ വര്‍ഷവും നൂറുമേനി നേടിയത് കൂടാതെ രണ്ടു പേര്‍ മുഴുവന്‍ വിഷയങ്ങള്‍ക്കും എ പ്ലസോടെ വിജയിച്ചിരുന്നു. ഫീസ് വാങ്ങാതെയാണ് പഠനമെങ്കിലും മികവിന്റെയും മികച്ച അധ്യാപനത്തിന്റെയും വേറിട്ട വഴികള്‍ തേടിയാണ് ഈ സ്‌കൂള്‍ വിജയം ആവര്‍ത്തിക്കുന്നത്. ബിമല്‍ റോയിയുടെ നേതൃത്വത്തില്‍ 25ഓളം അധ്യാപകരാണ് അറിവ് പകര്‍ന്നുനല്‍കാന്‍ ഒരേ മനസ്സായി മാതൃകക്ക് കരുത്തു പകരുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day