|    Dec 19 Wed, 2018 6:55 pm
FLASH NEWS

മുടപ്പല്ലൂര്‍ വേല അലങ്കോലപ്പെടുത്താന്‍ ആര്‍എസ്എസ് ശ്രമം

Published : 20th May 2018 | Posted By: kasim kzm

പാലക്കാട്: മുടപ്പല്ലൂര്‍ അഴിക്കുളങ്ങര ഭഗവതി ക്ഷേത്രത്തിലെ വേല മഹോല്‍സവം 22ന് നടക്കുകയാണ്. വേല നടത്തിപ്പിനായി മുന്‍വര്‍ഷങ്ങളിലെ പോലെ ക്ഷേത്രം എക്‌സിക്യുട്ടീവ് ഓഫിസര്‍ ഉല്‍സവകമ്മിറ്റിയെ തിരഞ്ഞെടുത്തിരുന്നു.
എന്നാല്‍, യോഗത്തിലൊന്നും പങ്കെടുക്കാതെ ബോധപൂര്‍വം മാറിനിന്ന ചിലയാളുകള്‍ മടപ്പല്ലൂരില്‍ സമാന്തര വേലക മ്മിറ്റികള്‍ രൂപീകരിച്ചിരിക്കുകയാണെന്നും ഇതിന് പിന്നില്‍ രാഷ്ട്രീയ-സാമ്പത്തിക താല്‍പര്യമാണെന്നും മടപ്പല്ലൂര്‍ വേല ഉല്‍സവ കമ്മിറ്റി ഭാരവാഹികള്‍ ആരോപിച്ചു. വേല അലങ്കോലമാക്കാനും പ്രദേശത്ത് കുഴപ്പമുണ്ടാക്കാനുമാണ് ചിലര്‍ ശ്രമിക്കുന്നത്.
ഇതിന് പിന്നില്‍ സമാന്തര വേല കമ്മിറ്റിയുടെ പ്രസിഡന്റും ആര്‍എസ്എസ് നേതാവുമായ പ്രസന്നകുമാറും ബിജെപി മണ്ഡലം ജനറല്‍ സെക്രട്ടറി കെ കാര്‍ത്തികേയനുമാണെന്നും ഭാരവാഹികള്‍ ആരോപിച്ചു. ആര്‍എസ്എസ്സിന്റെ ഈ നീക്കത്തിന് കോണ്‍ഗ്രസിന്റെ പ്രാദേശിക നേതാക്കള്‍ പിന്തുണ നല്‍കുകയാണ്. ഔദ്യോകിക വേലക്കമ്മിറ്റി ഭാരവാഹികളൊന്നും തന്നെ ഒരു രാഷ്ട്രീയ പാര്‍ട്ടിയിലും പെടാത്തവരാണ്. എന്നാല്‍, വേല നടത്തുന്നത് സിപിഎമ്മാണെന്ന് ആരോപിച്ചാണ് ആര്‍എസ്എസ് ദേശത്ത് ഭിന്നതസൃഷ്ടിക്കുന്നതെന്നും ഭാരവാഹികള്‍ കുറ്റപ്പെടുത്തി. വാര്‍ത്താ സമ്മേളനത്തില്‍ പ്രസിഡന്റ് വി റിജോഷ്, സെക്രട്ടറി സി പ്രദീപ്, ആര്‍ മാധവന്‍, പി ഗംഗാധരന്‍ മാസ്റ്റര്‍, പി സുരേന്ദ്രന്‍ പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss