|    May 26 Fri, 2017 1:05 pm
FLASH NEWS

മുച്ചക്ര സ്‌കൂട്ടര്‍ ടിപ്പറുമായി കൂട്ടിയിടിച്ച് വികലാംഗന്റെ കാല്‍ അറ്റുപോയി

Published : 5th March 2016 | Posted By: SMR

പത്തനാപുരം: ബ്ലോക്ക് പഞ്ചായത്തിലെ ശാരീരിക വൈകല്യമുള്ളവര്‍ക്കായി വിതരണം ചെയ്ത മൂന്ന് വീലുള്ള സ്‌കൂട്ടറുമായി വീട്ടിലേക്ക് പോകുംവഴി ടിപ്പര്‍ ലോറിയുമായി കൂട്ടിയിടിച്ച് വികലാംഗന്റെ കാല്‍ അറ്റുപോയി.

കാര്യറ മണ്ണാംകുഴി ചരുവിള വീട്ടില്‍ ഷെരീഫിന്റെ(45) ഇടതുകാലാണ് അപകടത്തില്‍ അറ്റുപോയത്. ഷെരീഫിനൊപ്പം ഉണ്ടായിരുന്ന മകന്‍ സിദ്ദീഖിനും(19)അപകടത്തില്‍ സാരമായി പരിക്കേറ്റു. ഇവര്‍ തിരുവനന്തപുരം മെഡിക്കല്‍ കോളജാശുപത്രിയില്‍ ചികില്‍സയിലാണ്. പത്തനാപുരം ബ്ലോക്ക് പഞ്ചായത്തിന്റെ നേതൃത്വത്തില്‍ ശാരീരിക വൈകല്യമുള്ളവര്‍ക്ക് ഇന്നലെയാണ് മുച്ചക്രസ്‌കൂട്ടര്‍ വിതരണം ചെയ്തത്. സ്‌കൂട്ടര്‍ വാങ്ങി വീട്ടിലേക്ക് പോകും വഴി ഉച്ചക്ക് രണ്ടോടെ കുന്നിക്കോട്-പത്തനാപുരം റോഡില്‍ കുരിശുംമൂട് ജങ്ഷനില്‍ വച്ച് എതിരേ വന്ന ടിപ്പറും സ്‌കൂട്ടറുമായി കൂട്ടി ഇടിക്കുകയായിരുന്നു. ഓടിക്കൂടിയ നാട്ടുകാരാണ് ഇരുവരെയും കുന്നിക്കോട്ടെ സ്വകാര്യ ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍ കോളജാശുപത്രിയിലും എത്തിച്ചത്. അറ്റുപോയ കാല്‍ ഐസ്‌ക്യൂബുകളിട്ട് ആശുപത്രിയില്‍ എത്തിച്ചെങ്കിലും തുന്നിച്ചേര്‍ക്കാന്‍ കഴിയാത്തതിനെ തുടര്‍ന്ന് നീക്കം ചെയ്യുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day