|    Dec 17 Mon, 2018 5:45 am
FLASH NEWS
Home   >  Todays Paper  >  Page 1  >  

മുങ്ങിമരിച്ചതെന്ന് പ്രാഥമിക നിഗമനം; കണ്ണിനും ജനനേന്ദ്രിയത്തിനും പരിക്ക്

Published : 30th May 2018 | Posted By: kasim kzm

കോട്ടയം: പ്രണയിച്ച് വിവാഹം ചെയ്തതിന്റെ പേരില്‍ കൊല്ലപ്പെട്ട ദലിത് യുവാവിന്റെ മരണം വെള്ളത്തില്‍ വീണതു മൂലമാണെന്ന് പ്രാഥമിക പോസ്റ്റ്‌മോര്‍ട്ടം റിപോര്‍ട്ട്. പുനലൂരിനടുത്ത് തെന്‍മല ചാലിയേക്കര തോട്ടില്‍ കണ്ടെത്തിയ കെവിന്‍ പി ജോസഫിന്റെ മൃതദേഹം തിങ്കളാഴ്ച വൈകീട്ട് കോട്ടയം മെഡിക്കല്‍ കോളജ് ആശുപത്രിയില്‍ എത്തിച്ച് ഇന്നലെ രാവിലെ പോസ്റ്റ്‌മോര്‍ട്ടം ചെയ്യുകയായിരുന്നു.
മര്‍ദനത്തില്‍ ശരീരത്തില്‍ നിരവധി പരിക്കുകള്‍ ഏറ്റിട്ടുണ്ട്. കെവിന്റെ ജനനേന്ദ്രിയത്തിലും കണ്ണിലും ക്രൂരമായ മര്‍ദനമേറ്റിട്ടുണ്ട്. ജനനേന്ദ്രിയം ചതച്ചിരിക്കുകയാണ്. ശരീരത്തില്‍ ഇരുപതിലധികം മുറിവുകളുണ്ടെന്നാണ് ലഭിക്കുന്ന വിവരം. എന്നാല്‍, ഈ പരിക്കുകള്‍ മരണകാരണമല്ലെന്നാണ് റിപോര്‍ട്ടില്‍ പറയുന്നത്. ആന്തരികാവയവങ്ങളുടെ പരിശോധനയ്ക്കു ശേഷം മാത്രമേ അന്തിമ റിപോര്‍ട്ട് ലഭിക്കൂ.
മര്‍ദിച്ച് വെള്ളത്തിലിട്ടതോ അക്രമികളില്‍ നിന്ന് രക്ഷപ്പെടാന്‍ ഓടിയപ്പോള്‍ വഴുതിവീണതോ ആകാമെന്ന സാധ്യതകളാണ് പോലിസ് മുന്നോട്ടുവയ്ക്കുന്നത്. സ്വാഭാവികമായ വീഴ്ചയില്‍ വെള്ളം കുടിച്ചാണോ മരിച്ചത്, അതല്ല കെവിനെ ബലമായി വെള്ളത്തില്‍ മുക്കിക്കൊല്ലുകയായിരുന്നോ എന്നറിയണമെങ്കില്‍ ആന്തരികാവയവങ്ങളുടെ പരിശോധനാഫലം വരേണ്ടതുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss